ಪ್ರೀತಿ ಗೂಡು
ಪುಟ್ಟ ಹಕ್ಕಿಯೊಂದು
ಎಣೆದ ದೊಡ್ಡ ಗೂಡು ಕಟ್ಟಲು
ಹೆಜ್ಜೆ ಗುರುತಿಲ್ಲದ ಸೂಕ್ತ
ಜಾಗವ ಹುಡುಕಿದೆ.
ಬಿರಿಬಿಟ್ಟ ಮಣ್ಣು ತಗ್ಗು ದಿಬ್ಬ
ನೀರಿಲ್ಲದ ಕೆರೆ ಹೇಗಾದೀತು ಎಂದು
ಕೊಂಬೆ ಕಡಿದ ಎಳೆಯ ಮರದ
ಮೇಲೆ ಬಂದು ಕುಳಿತಿದೆ.
ಕುಳಿತ ಹಕ್ಕಿಯ ಕಾಲಿನಿಂದ
ಅದರ ಬಯಕೆ ಅರಿತ
ಎಳೆಯ ಮರ ಕಣ್ಣೀರು ಸುರಿಸಿದೆ
ತನ್ನನೋವಿನೊಂದಿಗೆ.
ಕಣ್ಣೀರು ಯಾರದೆಂದು ಗೊತ್ತಾಗದಂಗೆ.
ಕೀಳೋ ಕೈಗೆ ಎಟುಕದ
ಕಟುಕ ಹತ್ತಕ್ಕಾಗದ
ನೀರ ಮಧ್ಯೆ ಸೊಂಪಾಗಿ ಬೆಳೆದ
ಹಸಿರ ಮುಳ್ಳಿನ ಮರದ ಅಂಚಿನಲ್ಲಿ
ಪ್ರೀತಿ ಗೂಡು ಕಟ್ಟೋ ಬಯಕೆ
ಹಕ್ಕಿಯಲ್ಲಿ ಮೂಡಿದೆ.
ದುರಾಸೆ ಮನುಜನ ಅವಾಂತರ
ದಡವಿಲ್ಲದಂತೆ ಮಾಡಿದೆ
ಮಾತುಬಿಟ್ಟು ಬೆಟ್ಟ ಸೇರಿವೆ
ಪುಟ್ಟ ಹಕ್ಕಿಯ ಕೆಲಸಕ್ಕೂ ಭಂಗ ತಂದಿದೆ.
ತಾಯಿ ಮಗುವ ಅನಾಥಾಶ್ರಮಕ್ಕೆ ಬಿಟ್ಟಾಗೇ
ಕೊಂಬೆ ಕಡಿದ ಎಳೆ ತಾಯಿಯ ಮರ
ತಂಗಾಳಿಯ ಪತ್ರ ಕಳಿಸಿ ಬೆಟ್ಟಕ್ಕೆ
ಮರ ತನ್ನ ಉಸಿರ ಬಿಟ್ಟಿದೆ.
ಮುಗಿಲಿಗೆ ತಲುಪಿ ತಂಗಾಳಿಯ ಪತ್ರ
ಮೋಡದ ಗಾಳಿಪಟವಾಗಿದೆ ಮುಗಿಲ
ಕೈ ಜಾರಿ ಊರ ಮೇಲೆ ಬಿದ್ದಿದೆ
ಕೆರೆ ತೊರೆಯಲ್ಲಿ ಹರಿದಿದೆ
ಗಾಳಿಪಟ ಕಾಣದಾಗಿದೆ.
ಕಡಿದ ಕೊಂಬೆಯ ಗುರುತು ವಾಸಿಯಾಗಿದೆ
ಹಾರದ ಮರೆತ ಕುಳಿತ ಹಕ್ಕಿ ಹಾರಿದೆ
ಹಕ್ಕಿ ಹಾರಾಡುತಿದೆ..........
-ಪ್ರವೀಣಾ ಸಿಂಗೋನಹಳ್ಳಿ.
- praveens singonahalli
30 Nov 2019, 02:05 pm
Download App from Playstore: