ಬೆಳಗು ಕವಿತೆ( ದೇವನ ಬೆಳಕು)
*ಬೆಳಗು ಕವಿತೆ*
// ದೇವನ ಬೆಳಕು //
---------------------
ನೂರಾರು ದೇಶಗಳ ಸಾವಿರಾರು
ಭಾಷೆಗಳ ಮೆರಗು!
ಸತ್ಯ ಸೌರಭ
ದೇವನ ಬೆಳಕಾಗಿ
ಮೂಡಿತು;ದೇಶ,ಕಾಲ,
ಜನಾಂಗಗಳನ್ನೂ ಮೀರಿ.
ಅರಳುವ ಹೂವಿಗಿಲ್ಲ
ಬೇಧ ಭಾವದ ಹಣೆಪಟ್ಟಿ
ತಿಪ್ಪೆಯ ಮೇಲೆ ಉಪ್ಪರಿಗೆ
ಸಾಮ್ರಾಜ್ಯ ಕಟ್ಟುವುದು.
ಎಲ್ಲಿ ನೋಡಿದಲ್ಲೆಲ್ಲಾ ಮಲ್ಲಿಗೆಯ ಹೂಗಳು.
ಅಧಿಷ್ಟಾನ ತಿಪ್ಪೆಯಾದರೂ ಮೇಲೆ
ಸುಗುಂಧ,ಸುವಾಸನೆ;
ಸೌಂದರ್ಯದ ಉಪಾಸನೆ ಅದಕ್ಕೆ
ಅಗಮ್ಯ,ಅಗೋಚರ,ಅಪ್ರತಿಮ.
ಕಲಿತವರು,ಕಲಿಯದವರು
ಉಳ್ಳವರು,ಇಲ್ಲದವರು; ಯಾರು ನೋಡಿದರೂ
ಮನಸು ವಿಕಾಸಗೊಳ್ಳುವುದು
ಆನಂದದ ಸುವಾಸನೆ
ಕಣ್ಣುಗಳು ಅರಳಿ.
ಸಂತರ ಹಾಡಾಗುವುದು
ಗಿಡದ ಒಂದು ಬೇರು
"ಯಾವ ದೇಶದಲ್ಲಿ ಸಂತರಿಲ್ಲ,
ಇನ್ನಾವ ದೇಶದಲ್ಲಿ ಮಹಂತರಿಲ್ಲ!"
ಯಾವುದು ಅಮೇರಿಕಾ,ಯಾವುದು ಚೀನಾ?
ಇನ್ನಾವುದೇ ಭಾರತವಿರಲಿ
ದೇಶ ಕೋಶ ಎಲ್ಲವೂ ಭೂಮಂಡಲ.
// ಮೃದಂಗಜ//
ಸುರೇಶ ಜಕಾತಿ. ಜಮಖಂಡಿ
8746086658
- ಸುರೇಶ ಜಕಾತಿ.ಜಮಖಂಡಿ
27 Jan 2020, 07:32 am
Download App from Playstore: