ನೋಡು ಬಾ ಇಂದು
ನಾ ನೆಟ್ಟ ಬೀಜವೊಂದು
ಮೊಳಕೆಯೊಡೆಯುತಿದೆ
ನೋಡು ಬಾ ಇಂದು !
ಅನುಭವವೇ ಆಹಾರವಾಗಿ
ಆಶಯವೇ ರಕ್ಷಣೆಯಾಗಿ
ಬೆಳೆವ ಸಸಿಯ ಸೊಗಸ
ನೋಡು ಬಾ ಇಂದು !
ಯಾವ ತಳಿಯೋ;ಫಲವೋ
ಅರಿಯದೆ ಬೆಳೆಸಿದ
ಸಮೃದ್ಧ ಸಸಿಯ
ನೋಡು ಬಾ ಇಂದು!
ಅಸಮಾನತೆಯ ಸೋಂಕು
ತಗುಲಿ ಅವಸಾನದಂಚಿನಲ್ಲಿದ್ದಾಗ
ಔಷಧ ಸಿಂಪರಿಸಿದ ವೈದ್ಯರ
ನೋಡು ಬಾ ಇಂದು!
ವಕ್ರವಾಗಿ ವಿಸ್ತರಿಸಿದ್ದ
ಸಸಿಯ ಕಸಿ ಮಾಡಿ
ಸರಿದಾರಿ ತೋರಿದ ಗುರುಗಳ
ನೆನೆಯ ಬಾ ಇಂದು!
ಶಾರದ
- ಶಕುಂತಲಾ
28 Jan 2020, 08:21 am
Download App from Playstore: