ತೀರದು ಈ ಮನದ ಅತಿಶಯ
ಕಡಲ ತೀರದಲಿ ಮೊಳಗಿಹುದು
ಅಲೆಯ ಬೋರ್ಗರೆತದ ಸಂಗೀತ!!
ದೂರದ ದಿಕ್ಕಿನಲಿ ಮೂಡಿಹುದು
ಕಡಲು ಮುಗಿಲಿನ ಸುಂದರ ದಿಗಂತ!!
ತೆರೆದಿರುವ ಬಾನಿನ ಅಂಗಳದಿ
ಹೊಳೆದಿಹುದು ಚುಕ್ಕಿಯ ಸಾಲು!!
ದೂರದ ಚಂದಿರನ ಊರಿನಿಂದ
ಚೆಲ್ಲಿಹುದು ಬೆಳದಿಂಗಳ ಹಾಲು!!
ಮರಳ ದಿಬ್ಬವ ಕೊರೆಯುವ
ಹಾಲು ಕಡಲಿನ ಜೋರಾದ ರಭಸ!!
ತಂಗಾಳಿಗೂ ತಂಪೆರೆಯುವ
ಆ ಚಂದಿರನ ನವಿರಾದ ಸರಸ!!
ಅಲ್ಲೆಲ್ಲೋ ಅವಿತಿರುವಂತಿದೆ
ಇನ್ನಾವುದೋ ಹೊಸ ಪರಿಚಯ!!
ಅದ ಹುಡುಕಿ ನೋಡಿದರೂ
ತೀರದು ಈ ಮನದ ಅತಿಶಯ!!
- ಪಿ.ಜಿ.ಜ್ಯೋತಿ
01 Feb 2020, 08:35 am
Download App from Playstore: