ಕವನದ ಅಂಗಳ
ಕವನದ ಅಂಗಳ
ನಿನ್ನಯ ಈ ಕಂಗಳು!!
ನಿನ್ನನು ನಾ ನೋಡಿದ
ಆ ದಿನವೇ ಬೆಳದಿಂಗಳು!!
ನಕ್ಷತ್ರದ ಊರಿನಿಂದ
ನೀ ಭುಮಿಗೆ ಜಾರಿ ಬಂದೆ!!
ಅಂಗೈಯ ಬೊಗಸೆ ತುಂಬ
ಒಲವನ್ನು ತುಂಬಿ ತಂದೆ!!
ಹೂದೋಟದಲ್ಲಿ ನೀ ಅರಳಿ
ಸೌಗಂಧ ಸೂಸಿ ನಿಂತಿರುವೆ!!
ನನ್ನೆದೆಯ ಮಿಡಿತ ನೀನಾಗಿ
ನವ ರಾಗವನು ಮೀಟಿರುವೆ!!
ಸಾಗರದ ಅಲೆಗೆ ಮುತ್ತಿಟ್ಟು
ಚಿಪ್ಪಲ್ಲಿ ಅವಿತು ನಕ್ಕಿರುವೆ!!
ಪರ್ವತದ ಶಿರವ ನೀ ಏರಿ
ಆಗಸಕೆ ಕೈ ಚಾಚಿರುವೆ!!
ಒಲವೆಂಬ ಮಳೆಯ ಸುರಿಸಿ
ನೆನೆದಾಗ ನಡುಕವೆ ಚೆಲುವೆ!!
ಬಿಸಿ ಅಪ್ಪುಗೆಗೆ ಇದೆ ಒಪ್ಪಿಗೆ
ಎದೆಯಾಳ ಸೇರಿಕೋ ಒಲವೇ!!
- ಪಿ.ಜಿ.ಜ್ಯೋತಿ
02 Feb 2020, 11:38 am
Download App from Playstore: