ನಾನು ಬರಹಗಾರನಲ್ಲ

ಹೌದು
ನಾನು
ಬರಹಗಾರನಲ್ಲ..!

ನಾನು ಏನನ್ನೂ
ಬರೆಯುವುದಿಲ್ಲ;

ಎದೆಯ ಊರ ಬವಣೆ ಗೂಡ
ಭಾವದ ಮರಿ ಹಕ್ಕಿಯದು;
ಕಂಡ
ಕನಸ ನಾ ಬರೆಯಲಿಲ್ಲ;

ವಾಸ್ತವದಿ ಬಲಿತ ಗರಿ
ನೋವಲ್ಲೆ ಬೆಳೆದ ಮರಿ
ಈ ಮನದ
ಕೊಂಬೆಯಲ್ಲಿಯೇ
ಗೂಡು ಕಟ್ಟಿದ್ದರೂ
ನಾ
ತಿರುಗಿ ನೋಡಲಿಲ್ಲ..!

ಬಲಿತ ರೆಕ್ಕೆ ಸೇರೆ ಬಾನ ತೆಕ್ಕೆ
ನೆಲದ ನೆರಳು ಕೊನೆಗೆ ಬಾಳು
ಬರಿಯ ಮಣ್ಣು ಎಂದ ಮಾತ
ನಾ ಮರೆಯಲಿಲ್ಲ;
ಆದರೂ ಕೂತು ಅದ ನಾ
ಬರೆಯಲಿಲ್ಲ...!

ನಾನು ಬರೆಯಲ್ಲಿಲ್ಲ
ಕೈಗಳು ಪಟ್ಟ ಪಾಡ;
ನೊಂದ ಕಾಲ್ಗಳನೊತ್ತುವಾಗ
ಗುನುಗಿದ ಹಾಡ
ನಾನು ಬರೆಯಲಿಲ್ಲ
ಕಣ್ಣಂಚಲಿ ಕೂತು ಒಮ್ಮೆಲೆ
ಜಿಗಿಯುತ್ತಿದ್ದ ಕಂಬನಿ ಸಾಲ...!

ನಾನು ಬರಹಗಾರನಲ್ಲ;
ಏಕೆಂದರೆ
ಕಾಗದದ ಹಣೆಮೇಲೆ
ಅದರ
ಭವಿಷ್ಯವ ನಾನೆಂದೂ
ಬರೆಯಲಿಲ್ಲ...!

-ರಮೇಶ್ ಪ್ರಜ್ವಲ್

- Ramesh Prajwal

07 Feb 2020, 12:48 am

---

Download App from Playstore: