ಅಮ್ಮ ಏಕೋ ಬರಲಿಲ್ಲ..
ಮೂಡಣದಿ ರವಿ ಬಂದಾಯ್ತು
ಮನೆಯಂಗಳ ಶುಚಿಗೊಳಿಸಿ
ರಂಗೋಲಿ ಇಡುವ ಹೊತ್ತಾಯ್ತು
ಆದರೂ ಅಮ್ಮ ಏಕೋ ಬರಲೇ ಇಲ್ಲ..!
ಸದಾ ಕುಟುಂಬಕ್ಕಾಗಿ ದುಡಿಯುವ
ಕೇಳಿದ್ದನ್ನು ಮಾಡಿ ಉಣಿಸುವ ಅಮ್ಮ
ಹಸಿವಿನಿಂದ ನಾ ಕಾಯುತ್ತಿದ್ದರೂ
ಇಂದು ಅಮ್ಮ ಏಕೋ ಬರಲೇ ಇಲ್ಲ…!
ಅಮ್ಮನ ಕೆಲವು ಸೀರೆಗಳು
ಮೂಲೆ ಸೇರಿದವು
ಕೆಲವೊಂದಿಷ್ಟು ಇನ್ಯಾರದೋ ಪಾಲಾದವು
ಅಳಿದುಳಿದ ಕೆಲ ಸೀರೆಗಳು
ಕೌದಿ ತಲೆದಿಂಬಿಗೆ ಮುಡಿಪಾದವು
ದಿನ ರಾತ್ರಿ ತಲೆದಿಂಬಿಗೆ
ಕಂಬನಿಯ ಜೊತೆ ಒರಗುವೆ
ಆದರೂ ಅಮ್ಮ ಏಕೋ ಬರಲೇ ಇಲ್ಲ…!
ಮೊಬೈಲ್ ತರೆದಾಗ
ಕಾಣುವ ಹೆಸರದು ಅಮ್ಮ
ಎಡವಿ ಬಿದ್ದಾಗ
ಬರುವ ಕೂಗು ಅಮ್ಮ
ದುಃಖಲ್ಲೂ ನೆನಪಾಗಿ
ಮಿಕ್ಕೆಲ್ಲ ಸಮಯದಲ್ಲೂ
ಕನಸಾಗಿ ಕಾಡುವ ಅಮ್ಮ
ಮತ್ತೆಂದಿಗೂ ಬರುವುದೇ ಇಲ್ಲ...!
- ಸಿದ್ದು ಕನ್ನಡಿಗ
- - ಸಿದ್ದು ಕನ್ನಡಿಗ
07 Feb 2020, 10:49 am
Download App from Playstore: