ಇರುಳ ದಾರಿಗೆ ಬೆಳಕ ನೀಡಲು
ಇರುಳ ದಾರಿಗೆ ಬೆಳಕ ನೀಡಲು
ಬಂದನು ನೋಡು ಚಂದಿರ!!
ಅವನ ಸುತ್ತಲು ಹೊಳೆಯುತಿರುವ
ತಾರಾ ಲೋಕವು ಸುಂದರ!!
ಕನಸಿನ ಊರಲಿ ನಾನಾ ರೂಪದ
ಕಥೆಯನು ಹೇಳುವ ಚಂದಿರ!!
ಮನದ ಭಾವದ ಬಯಕೆ ಚಿತ್ರಕೆ
ಬಣ್ಣವ ತುಂಬುವ ಸುಂದರ!!
ಮುಗ್ಧ ಮನಸಿನ ಮಗುವ ಮೊಗದಲಿ
ನಗೆಯ ಚೆಲ್ಲುವ ಚಂದಿರ!!
ತಾಯಿಯು ಹಾಡುವ ಲಾಲಿ ಪದದ
ಸಾಲುಗಳೇ ಬಲು ಸುಂದರ!!
ನಿಂತ ನೀರಿನಲಿ ಬಿಂಬವ ಚೆಲ್ಲುತ
ಇಣುಕಿ ನೋಡುವ ಚಂದಿರ!!
ಹರಿಯುವ ನೀರಿನ ಚಲನ ವಲನಕೆ
ಸಾಕ್ಷಿಯು ನೀನೇ ಸುಂದರ!!
ಕಾಣದ ಸುಂದರ ಲೋಕಕೆ ನನ್ನನು
ಕೈ ಹಿಡಿದು ಕರೆತಂದೆ ಚಂದಿರ!!
ಪಯಣದಿ ನೀನು ಜೊತೆಯಿರೆ ಹೀಗೆ
ಸಾಗುವ ದಾರಿಯೇ ಸುಂದರ!!
- ಪಿ.ಜಿ.ಜ್ಯೋತಿ
12 Feb 2020, 10:33 am
Download App from Playstore: