ನಿನ್ನನು ನೋಡುವ ಆಸೆ ಹೊತ್ತ ಕಣ್ಣಲಿ

ನಿನ್ನನು ನೋಡುವ
ಆಸೆ ಹೊತ್ತ ಕಣ್ಣಲಿ
ಬೇರೆ ಜಗವನು
ನಾ ಹೇಗೆ ಕಾಣಲಿ!!
ಎದೆಯ ಗುಡಿಯ
ಒಳಗೆ ನಲ್ಲ ನಿನ್ನನು
ಹೊರತು ಪಡಿಸಿ ನಾ
ಬೇರೆ ದೈವವ ಕಾಣೆನು!!

ಸುಮ್ಮನೆ ಇದ್ದರೂ
ನಿನ್ನದೆ ಯೋಚನೆ
ಕಾಣುವ ಕನಸದು
ಕಾಯದು ಇರುಳನು!!
ಆಗೊಮ್ಮೆ ಈಗೊಮ್ಮೆ
ತುಟಿಯಲ್ಲಿ ನಗು ಚಿಮ್ಮಿ
ನೀ ಬರುವೆ ನೆನಪಾಗಿ
ಹಗಲಿರುಳು ನನಗಾಗಿ!!

ಕಾಯುತ್ತ ನಾ ಇರುವೆ
ಕಾಡಲೆಂದೇ ನೀ ಬರುವೆ
ಕಣ್ಣೆದಿರು ಬಣ್ಣ ಬಣ್ಣ
ಬದುಕಲ್ಲಿ ನೂರು ಬಣ್ಣ!!
ಮುಗಿಲ ಎತ್ತರಕ್ಕೂ
ಮಿಗಿಲಾದ ಒಲವು
ಮಡಿಯುವ ಮುನ್ನ
ನೀ ಸಿಗಲು ಗೆಲುವು!!

ಆ ಚುಕ್ಕಿ ತಾರೆಯು
ಆ ಬಾನ ಏರಿದೆ
ನೀ ನನ್ನ ತಾರೆಯು
ನನ್ನ ಬಾಳ ಏರು ಬಾ!!
ನಿನ್ನಯ ತೋಳಲಿ
ನಾ ಪುಟ್ಟ ಮಗುವಾಗಿ
ಜಗ ಮರೆತು ಇರಬೇಕು
ಸದಾ ಹಾಯಾಗಿ!!

- ಪಿ.ಜಿ.ಜ್ಯೋತಿ

13 Feb 2020, 11:27 am

---

Download App from Playstore: