ಅಡಕತ್ತರಿಯಲ್ಲಿ ಸಿಲುಕಿಕೊಂಡಿತು
ಅಡಕತ್ತರಿಯಲ್ಲಿ ಸಿಲುಕಿಕೊಂಡಿತು
ಅಲೆಮಾರಿಯ ಈ ಹೃದಯ!!
ಯಾಮಾರಿ ಮೋಸ ಹೂಯಿತು
ಬಡಪಾಯಿಯ ಈ ಹೃದಯ!!
ಹರೆಯದಲಿ ಅರಳಿದ ಒಲವೊಂದು
ಘಮಿಸುತಲೇ ವಿಷವ ಉಣಿಸಿತು!!
ಮಂತ್ರಮುಗ್ಧನಂತೆ ನಾ ಬಂದೆ
ಮಾಯದ ಹೂವಿಗೆ ಮನಸೋತು!!
ಕತ್ತಲೆ ಕಾಡಿನಲಿ ಕಣ್ಣಿಗೆ ಬಟ್ಟೆ ಕಟ್ಟಿ
ಒಬ್ಬಂಟಿ ಮಾಡಿ ಹೋದೆ ಯಾಕಾಗಿ ನೀ!!
ಎತ್ತ ಓಡಿದರೂನೂ ದಾರಿಯೇ ಕಾಣದು
ಮುತ್ತಿದೆ ಬರೀ ಕತ್ತಲು ನನ್ನ ಸುತ್ತಲೂ!!
ಉರುಲು ಇಲ್ಲದೇ ಕೊರಳು ಬಿಯಾಗಿದೆ
ಕಂಠ ಹರಿದು ಅಳಬೇಕು ಧನಿ ಬಾರದು!!
ಕಂಬನಿಯೇ ವರವಾದ ನನ್ನಯ ಕಣ್ಣಿಗೆ
ಕಾಣುವ ಲೋಕವೆಲ್ಲ ಮಂಜಾಗಿದೆ!!
ಸೂಜಿಗೊಂದು ದಾರವಂತೆ
ಕೂಡಿ ಹೊಲಿಯುವ ಆಟವಂತೆ!!
ನನ್ನ ನಿನ್ನನು ಒಂದು ಮಾಡಿ ಬೆಸೆಯುವ
ಬಂಧವು ಎಲ್ಲೋ ಮರೆಯಾಗಿದೆ!!
- ಪಿ.ಜಿ.ಜ್ಯೋತಿ
13 Feb 2020, 11:41 am
Download App from Playstore: