ಹಡೆದ ತಾಯಿಯ ಪಾದದಲ್ಲೇ
ಹಡೆದ ತಾಯಿಯ ಪಾದದಲ್ಲೇ
ಇರುವುದು ಸಕಲ ದೇವರು!!
ಕೈಯ ಮುಗಿದು ಶಿರವ ಬಾಗಲು
ತೆರೆಯುದು ಸ್ವರ್ಗದ ಬಾಗಿಲು!!
ತಾಯ ಮಮತೆಯ ಕಡಲಿನಲ್ಲಿ
ದೊರೆವುದು ಬದುಕಿನ ರತ್ನವು!!
ಅವಳ ಸೇವೆಯ ಗೈದರೆ ಸಾಕು
ಜಪ ತಪ ಪೂಜೆಯು ಏಕೆ ಬೇಕು!!
ತಾಯ ಮಡಿಲಿನಲ್ಲೇ ಇರುವುದು
ಸಕಲ ಭೋಗ ಐಶ್ವರ್ಯವು!!
ಮಮತೆ ಸೆರಗ ಹೊದಿಕೆ ಮುಂದೆ
ರತ್ನಕಂಬಳಿ ಮುದುಡಿಹುದು!!
ತಾಯ ಮುಂದೆ ಎಲ್ಲ ಶೂನ್ಯವು
ಬದುಕಿಗೆ ಅವಳೇ ಆಸರೆ!!
ಆಳುವವರು ಯಾರೇ ಇರಲಿ
ಅವಳ ಮಮತೆಗೆ ನಾ ಸೆರೆ!!
ತಾಯಿ ತೋರುವ ಮಾರ್ಗದಲ್ಲಿ
ನಡೆದರ ಅದುವೇ ವಿಜಯವು!!
ಕಂದ ಎಂದು ಕರೆವುದ ಕೇಳಲು
ಮಡಿದರೂ ಮರಳುವೆ ನಿತ್ಯವು!!
- ಪಿ.ಜಿ.ಜ್ಯೋತಿ
17 Feb 2020, 11:34 am
Download App from Playstore: