ರಾಧೆ ಶ್ಯಾಮ
ಶ್ಯಾಮ ನಿನ್ನಯ ನಾಮ ಕೇಳಿ
ರಾಧೆಯು ನಾಚಿಕೊಂಡಳು!!
ನಿನ್ನ ಕೊಳಲ ನಾಧದ ಸುಧೆಗೆ
ಮೈಯ ಮರೆತು ನಿಂತಳು!!
ಮೊದಲ ಪ್ರೇಮ ನೀನೇ ಶ್ಯಾಮ
ಹರೆಯದಲ್ಲಿ ಕೊಡುಗೆ ನೀಡಿ!!
ಮಡಿವವರೆಗೂ ಪ್ರೇಮಿಯಾದೆ
ಹೃದಯದೊಳಗೆ ಗಮಕವಾದೆ!!
ಮುಡಿದ ಹೂವ ಚೆಲುವಿನಲ್ಲಿ
ಗಂಧವಿತ್ತು ಘಮಿಸುತಿರುವೆ!!
ಗಮನ ಸೆಳೆದು ಮನವ ಕದ್ದು
ಮರೆಗೆ ನಿಂತು ನೋಡುತಿರುವೆ!!
ಮರೆಯಲಾರದ ಒಲುಮೆ ನೀನು
ಮೊದಲ ಪ್ರೇಮದ ಚಿಲುಮೆ ನೀನು!!
ಯುಗವೇ ಕಳೆದರೂ ಅಳಿಸದಂತೆ
ರಾಧೆಯು ಶ್ಯಾಮನ ಪ್ರೀತಿಗೆ ಸ್ವಂತ!!
- ಪಿ.ಜಿ.ಜ್ಯೋತಿ
18 Feb 2020, 12:13 pm
Download App from Playstore: