ನೀ ಬರೆದ ಪ್ರೇಮದ ಓಲೆ
ಹೃದಯ ಸಂದುಕದಲ್ಲಿ ನೀ ಬರೆದ ಪ್ರೇಮ ಓಲೆಗಳ ಸಾಲು ಸಾಲು
ಆಗಾಗ ನೆನಪಾದಾಗ ಓದಿ ಓದಿ ಒಪ್ಪಾವಾಗಿ ಮಡಚಿಡುವೆ
ನೀ ಗೀಚಿದ ಪ್ರೇಮ ನಿವೇದನೆಯ ಸಾಲುಗಳು ಹೃದಯ ಕೊರಳಿಗೆ ಬಳಸಿ, ಅಪ್ಪಿ ಮುದ್ದಾಡುತ್ತಿವೆ
ಪ್ರೇಮ ಪತ್ರದ ಸಂದುಕದಲ್ಲಿ ಮಸುಕಾದ ಕಣ್ಣಡಿಯಲ್ಲಿ ಗತಕಾಲದ ಸವಿ ಸವಿ ನೆನಪುಗಳ ಅನಾವರಣ
ನಿನ್ನ ಗೆಜ್ಜೆ ಸಪ್ಪಳಗಳ ಧ್ವನಿ, ಓಲೆಗಳ ಅಕ್ಷರಗಳ ಅಂತರಂಗದಲ್ಲಿ ಅಡಗಿ ಕುಳತಿದೆ
ನನ್ನ ಹೃದಯ ಪೋಸ್ಟ ಬಾಕ್ಸದಲಿ ನೀ ಹಾಕಿದ ಪ್ರೇಮ ಪತ್ರಗಳು ಹೊಸರಾಗ ಹಾಡುತ್ತಿವೆ
ಪತ್ರಗಳಿಗೆ ರೆಕ್ಕೆ ಮೂಡಿ ಹೃದಯಂಗಳದಲ್ಲಿ ಹಾರಾಡಿ ಮತ್ತೆ ಸಂಜೆ ಗೂಡಿಗೆ ಬರಲಿ
ನಾ ಚಿತೆ ಏರುವಾಗ ಪ್ರೇಮ ಪತ್ರಗಳು ಸುಡದಂತೆ ಉಳಿಸಿಕೊಳ್ಳುವುದೇ ಚಿಂತೆ
ಮತ್ತೊಂದು ಜನ್ಮಕು ನೀ ಬರೆದ ಓಲೆಗಳ ಜೊತೆಗೆ ಬರಬೇಕೆಂಬುವುದೇ ನನ್ನ ಕೊನೆಯಾಸೆ
ರಚಣೆ: ಆರ್.ವೀ.ಗೌಡರ
- Siddugouda
18 Feb 2020, 12:53 pm
Download App from Playstore: