ನೆರೆಹಾವಳಿಕೋರ
ಮೊನ್ನೆ ವರುಣ ಆಧುನಿಕ ರಾಕ್ಷಸ ರಾವಣಾವತಾರ ಎತ್ತಿ ನಮ್ಮೂರಿಗೆ ಬಂದಿದ್ದ
ಹತ್ತು ತಲೆಯೆತ್ತಿ ದಶ ದಿಕ್ಕುಗಳಲ್ಲಿ ನಾಲಿಗೆ ಚಾಚಿದ್ದ
ಬಡವರ ಬದುಕನ್ನು ರಸ್ತೆಗೆ ಎಳೆದು ತಂದಿದ್ದ
ಮಲಗಿ ನಿದ್ರೆಗೆ ಜಾರಿದವರ ಕಣ್ಣುಗಳನು ಶಾಶ್ವತ ಮುಚ್ಚಿಸಿದ್ದ
ಬಿದಿರು ಹುಲ್ಲು ಗಳಿಂದ ನಿರ್ಮಿಸಿದ ಗುಡಿಸಲಿಗೆ ಮೊನ್ನೆ ವರುಣರಾಕ್ಷಸ ನುಗ್ಗಿದ್ದಾ
ಒಲೆಯ ಮೇಲೆ ಬೋಗಾಣಿಯಲ್ಲಿ ಕುದಿಸಿದ ಅನ್ನದ ಅಗಳು ಹಾಗೆ ಇದೆ
ದನದ ಕೊಟ್ಟಿಗೆಯಲ್ಲಿ ಎತ್ತು ಎಮ್ಮೆಯ ಕಾಲಿನಲ್ಲಿ ಬಿದ್ದ ಹೆಂಡೆ ಉಚ್ಚೆ ಹಾಗೆ ಇದೆ
ಹಸುಗೂಸ ಬಾಯಲ್ಲಿ ಅವ್ವಳ ಮೊಲೆ ಹಾಲು ತೊಟ್ಟಿಕ್ಕುತ್ತಿದೆ
ದಂಡೆತ್ತಿಬಂದ ರಾಕ್ಷಸ ವರುಣ, ಇದ್ದವರನ್ನ ಇದ್ದಲ್ಲೆ ಹೆಣ ವಾಗಿಸಿದ್ದ
ಬದುಕಿನ ತುಂಬ ಹೋರಾಟ ಮಾಡಿಕೊಂಡು ಬದುಕು ಕಟ್ಟಿಕೊಂಡವರ ಮನೆಗೆ ವರುಣ ರಾಕ್ಷಸ ಬಂದಿದ್ದ
ಅಷ್ಟು ಜನುಮದ ದ್ವೇಷ ತೀರಿಸಿಕೊಳ್ಳಲು ಶಪತಮಾಡಿದ್ದ
ಸಮುದ್ರವನ್ನೇ ಮನೆ ಮುಂದೆ ತಂದು ನಿಲ್ಲಿಸಿದ್ದ
ಊರ ಮುಂದಿನ ಕೊಚ್ಚೆ ನೀರನ್ನ ಅಡುಗೆ ಮನೆಗೆ ನುಗ್ಗಿಸಿದ್ದ
ಅಡುಗೆ ಮಾಡುವ ಬೋಗಾಣಿಗಳೆಲ್ಲಾ ನೀರಲ್ಲಿ ಈಜಾಡುವಂಗ ಮಾಡಿದ್ದ
ಬಡವರ ಬದುಕು ಊರ ಗಟಾರದ ದಂಡಿಗೆ ಬಂದ ಕುಂಡರುವ ಹಂಗ ಮಾಡಿದ್ದ.
- Siddugouda
18 Feb 2020, 04:11 pm
Download App from Playstore: