ನನ್ನ ಕವಿತೆ..
ನಾ ಬರೆಯುವ ಕವಿತೆಯಲ್ಲಿ
ಹೊಸತನದ ಸಂಭ್ರಮವಿದೆ
ಹಳೆ ನೋವಿನ ಸಾಲು ಬಿಟ್ಟಿಲ್ಲ
ಬಾಡುವ ಮುನ್ಸೂಚನೆ ಇಲ್ಲವೇ ಇಲ್ಲ.!
ಭಾವನೆಗಳ ಕಟ್ಟಿ ಹಾಕಿ
ಸೋತು ಸುಣ್ಣವಾದಾಗ
ನೋವಿಗೆ ಜೊತೆಯಾಗಿ ನಿಂತದ್ದೆ
ಅಸಹಾಯಕ ಲೆಖನಿ ಮತ್ತು ಪುಸ್ತಕ.!
ಬರೆದಷ್ಟು ಬೆಂಬಿಡದೆ
ಕಾಡುವ ಸಾಲುಗಳಿಗೆ
ಅಲಂಕಾರ ಮಾಡಿರುವೆ ನಾ
ಚೆಂದವಾದ ಉಪಮೆಗಳ ತೊಡಿಸಿ.!
ಕವಿತೆ ಕವಿತೆಯಾಗದಿದ್ದರೂ
ನನ್ನೆಲ್ಲ ನೋವು-ನಲಿವಿಗೆ
ಜೊತೆಯಾಗಿರುವ ಸಂಗಾತಿಯಾಗಿ
ಕೈ ಹಿಡಿದು ನಡೆಯುತಿರುವೆ ಸುಖವಾಗಿ.!
- ಅಕ್ಷತ
18 Feb 2020, 05:03 pm
Download App from Playstore: