ಅಪ್ಪ
ನಾ ಈ ಲೋಕವ ಕಾಣುವ ಮುನ್ನವೇ
ಅಪ್ಪ ನೀ ನನಗಾಗಿ ಒಂದು ಸುಂದರ
ಕನಸಿನ ಲೋಕವನ್ನೇ ಶೃಷ್ಠಿಸಿದ್ದೆ!!
ನಾ ನೊಂದು ಅಳುವ ಮುನ್ನವೇ
ಅಪ್ಪ ನೀ ನನ್ನನ್ನು ನಿನ್ನಯ ಎದೆಗಪ್ಪಿ
ಮುದ್ದಿಸಿ ಸಾಂತ್ವನ ಮಾಡುತ್ತಿದ್ದೆ!!
ನಾ ನಡೆಯಲು ಕಲಿಯುವ ಮುನ್ನವೇ
ಅಪ್ಪ ನೀ ನನ್ನಯ ಕೈ ಹಿಡಿದು ನಡೆಸಿ
ನನಗೆ ಬದುಕಿನ ದಾರಿ ತೋರುತಿದ್ದೆ!!
ನಾ ಬಯಕೆಯ ಅರಿಯುವ ಮುನ್ನವೇ
ಅಪ್ಪ ನೀ ಅರಿತು ನಾ ಬಯಸುವುದನ್ನು
ನನ್ನೆದುರಿಗೆ ತಂದು ಇಡುತಿದ್ದೆ!!
ನಾ ಚಿತ್ರವ ಬರೆಯುವ ಮುನ್ನವೇ
ಅಪ್ಪ ನೀ ನನ್ನಯ ಬದುಕಿನ ಚಿತ್ರಕ್ಕೆ
ಸುಂದರವಾದ ಬಣ್ಣವನ್ನು ತುಂಬಿದ್ದೆ!!
ನಾ ಕನಸಿನ ಲೋಕ ಕಟ್ಟುವ ಮುನ್ನವೇ
ಅಪ್ಪ ನೀ ನನ್ನಲಿ ಕರಗದ ಕನಸಾಗಿ
ಮರೆಯದ ನೆನಪಾಗಿ ಉಳಿದು ಹೋದೆ!!
- ಪಿ.ಜಿ.ಜ್ಯೋತಿ
18 Feb 2020, 06:26 pm
Download App from Playstore: