ಪ್ರಾಯದ ಇಬ್ಬನಿ ಕರಗಿತು
ನಿನ್ನ ಬಿಸಿ ಅಪ್ಪುಗೆಯ ಶಾಖಕ್ಕೆ
ನನ್ನ ಪ್ರಾಯದ ಇಬ್ಬನಿ ಕರಗಿತು!!
ನಿನ್ನುಸಿರಲಿ ನನ್ನುಸಿರು ಬೆರೆತು
ನವ ವಂಸಂತಕೆ ತಂಪೆರೆಯಿತು!!
ಎದೆಯ ಬಡಿತವ ಆಲಿಸುತಲಿ
ಕಿವಿಯಾಲೆಯು ಸಂಭ್ರಮಿಸಿತು!!
ನಿನ್ನ ಕೈ ಬೆರಳಿನ ಸ್ಪರ್ಷಕೆ
ಮುಂಗುರುಳು ಚಡಪಡಿಸಿತು!!
ಕಾಲು ಬೆರಳಿನ ತುಂಟಾಟವು
ಹರೆಯವನು ಬಡಿದೆಬ್ಬಿಸಿತು!!
ಉಸಿರಾಟದ ಏರಿಳಿತದಿ
ಆಂತರ್ಯವು ತುಸು ಬಳಲಿತು!!
ನಸು ನಾಚಿಕೆ ಕಣ್ಣೋಟವ
ದಿಕ್ಕರಿಸುತ ಆಹ್ವಾನಿಸಿತು!!
ಬೆವರು ಹನಿಗಳ ಸಮ್ಮಿಲನಕೆ
ಈ ಶೃಷ್ಠಿಯೇ ಸಾಕ್ಷಿಯಾಯಿತು!!
- ಪಿ.ಜಿ.ಜ್ಯೋತಿ
25 Feb 2020, 11:26 am
Download App from Playstore: