ಬಿರುಗಾಳಿಯ ಜೊತೆ ಹೋರಾಡಿ
ಬಿರುಗಾಳಿಯ ಜೊತೆ ಹೋರಾಡಿ ನಾ ಸ್ಥಿರವಾಗಿ ನಿಂತಿರುವ ಹೂ ಬಳ್ಳಿಯು!!
ನಿನ್ನಾಸೆ ಮಲ್ಲಿಗೆಯ ಮೊಗ್ಗನ್ನು ಹೊತ್ತು
ಬಯಸಿ ಬಂದಿರುವೆ ನಿನ್ನ ಆಸರೆಯ!!
ಅಂಗೈಯ ಚಾಚಿ ನೀ ಬರಸೆಳೆದುಕೋ
ನಾ ಕಾದಿರುವೆ ನಿನ್ನ ಬಿಸಿ ಅಪ್ಪುಗೆಗೆ!!
ನೀ ಒಲವಿಂದ ಮುತ್ತಿಕ್ಕಿ ಮುದ್ದಿಸಲು
ಮೊಗ್ಗರಳಿ ಹೂವಾಗಿ ಘಮಿಸುವುದು!!
ನಿನ್ನ ಪ್ರಾಯದ ಇಬ್ಬನಿ ಸೋಕಿರಲು
ನನ್ನ ಕೊರಳು ನಿನ್ನ ಬಳಸ ಬಂದಿಹುದು!!
ನಿನ್ನ ಸುತ್ತ ನಾ ಹಬ್ಬಿ ನನ್ನನ್ನು ನೀ ತಬ್ಬಿ
ಎಂದೆಂದೂ ಜೊತೆಯಾಗಿ ನಗುತಲಿರುವ!!
ಬಿಡದಂತೆ ಬಿಗಿಯಾದ ಅನುರಾಗವಿರಲು
ಬಿರುಗಾಳಿ ಬಂದರೂ ಪ್ರೀತಿ ಸೋಲದು!!
ದೊರೆತಿರುವ ಆಸರೆ ನೆಮ್ಮದಿ ತಂದಿರಲು
ಎಂದೆಂದೂ ಅಗಲುವ ಮಾತು ಬರದು!!
- ಪಿ.ಜಿ.ಜ್ಯೋತಿ
02 Mar 2020, 10:12 pm
Download App from Playstore: