ಹನಿಗಳು
ನಿನ್ನ ಮುಗ್ದ ಮೊಗದ ನಗುವಲ್ಲಿ
ಹುದುಗಿಹುದು ನೂರು ಮಲ್ಲಿಗೆಯ
ಸೊಗಸು ಚೆಲುವೆ..
ತುಟಿಯಂಚಿನ ಮುಗಳ್ನಗು
ಹರಡುವುದು ಸಮ್ಮೋಹಕ ಪರಿಮಳವನ್ನು
ಅಂದದ ಮೊಗವೊಂದು ಸುಂದರ
ಹೂಬನವೆಂದು ಸಾರಿ..
***
ನೊಂದ ಮನಕೆ
ನಲ್ನುಡಿಗಳನು ಸಿಂಪಡಿಸಿ,
ಇನಿಯ ಮಾತುಗಳಿಂದ
ಎರೆದು ತಂಪನು ಹೃದಯಕೆ
ಮಮತೆಯಲಿ ಆರಿಸಿದೇ ಮನದುರಿಯನು
ಚಿಗುರಿಸಿದೆ ನೀ
ನಲಿವಿನೆಲೆಯ ನನ್ನೊಳು
ಕ್ಷಣದಲ್ಲಿ ಓ ಗೆಳತಿ..
***
ಕತ್ತಿ ಅಲುಗಿನ ಆ ಮೊನಚು ಕಂಗಳು
ಬಹಳ ಚೂಪಾಗಿವೆ ಕಾಮನೆಯಲಿ..
ಇರಿಯುತ್ತವೆ ಎದುರಿನವರ ಎದೆಯ
ಸ್ಪುರಿಯುತ್ತಿವೆ ಪ್ರೇಮ ಅಮೃತ ಸುಧೆಯ..
- ಶ್ರೀಗೋ.
11 Mar 2020, 09:35 pm
Download App from Playstore: