ನೀ ನಡೆವ ಹಾದಿಯಲ್ಲಿ

ನೀ ನಡೆವ ಹಾದಿಯಲ್ಲಿ
ಕಲ್ಲಿರಲಿ ಮುಳ್ಳೇ ಇರಲಿ
ನೀ ಸಾಗಿ ತೀರಲೇಬೇಕು
ಈ ಬಾಳ ಪಯಣದಲಿ!!

ಸುಖ ದುಃಖ ಎಂಬ ತಿರುವು
ನೂರಾರು ಎದುರು ಬರಲು
ನೀ ಹೆಜ್ಜೆ ಇಡಲೇಬೇಕು
ಮುನ್ನಡೆದು ಸಾಗಲೇಬೇಕು!!

ಬದುಕಲ್ಲಿ ಗೆಲುವು ಎನ್ನುವ
ಶಿಖರವನು ಏರುವಾಗ
ಸೋಲೆಂಬ ಊರಗೋಲ
ಕೈಯಲ್ಲಿ ಹಿಡಿದಿರಬೇಕು!!

ಬೋಧನೆಯು ಏನೇ ಇರಲಿ
ಹುಟ್ಟನ್ನು ಅರಿಯಲಾರೆ!!
ಸಾಧನೆಯು ಸಾವಿರ ಬರಲಿ
ಸಾವನ್ನು ಗೆಲ್ಲಲಾರೆ!!

ಬದುಕೆಂಬ ಗುಟ್ಟನೆಂದು
ನೀ ಮೆಟ್ಟಿ ನಿಲ್ಲಲಾರೆ!!
ಹೆಜ್ಜೆ ಗುರುತ ಅಳಿಸಿದರೂ
ಪಯಣಿಸದೇ ಇರಲಾರೆ!!

- ಪಿ.ಜಿ.ಜ್ಯೋತಿ

12 Mar 2020, 04:12 pm

---

Download App from Playstore: