ನಿನಗೆಂದೇ ನನ್ನೆದೆಯಲ್ಲಿ ಬಚ್ಚಿಟ್ಟ
ನಿನಗೆಂದೇ ನನ್ನೆದೆಯಲ್ಲಿ ಬಚ್ಚಿಟ್ಟ
ಅದೆಷ್ಟೋ ಸಾವಿರ ಆಸೆಗಳು
ಬೆಚ್ಚನೆಯ ಹೊದಿಕೆಯ ಹೊದ್ದು
ನನ್ನೊಳಗೆ ಸುಂದರ ಕನಸಾಗಿದೆ!!
ಹುಣ್ಣಿಮೆ ಚಂದಿರನ ಮಂದಹಾಸ
ನನ್ನೊಳಗೆ ಅಡಗಿಕೊಂಡಿರುವ
ಹೆಣ್ತನದ ನಸುನಾಚಿಕೆಯನ್ನು
ಬಿಡದಂತೆ ಕಾಡಿ ಬಡಿದೆಬ್ಬಿಸುತ್ತಿದೆ!!
ಕಡಲಿನಲ್ಲಿ ಅವಿತುಕೊಂಡಿರುವ
ಬೆಲೆಬಾಳುವ ಮುತ್ತಿನ ಹಾಗೆ
ಹೇಳಲಾರದ ಸವಿ ಮಾತುಗಳು
ಅದರದ ಚಿಪ್ಪಿನಲ್ಲಿ ಸಿಲುಕಿಕೊಂಡಿದೆ!!
ಮನವೆಂಬ ಖಾಲಿ ಹಾಳೆಯಲ್ಲಿ
ನನ್ನಯ ಬಯಕೆಗಳನ್ನು ಬಿಂಬಿಸಿ
ಬರೆದ ನೂರಾರು ಪ್ರೇಮಾಕ್ಷರಗಳು
ರವಾನಿಸಲಾಗದೇ ಉಳಿದುಬಿಟ್ಟಿದೆ!!
ಹರೆಯದಲ್ಲಿ ಜನಿಸಿದ ಒಲವೊಂದು
ನದಿಯಂತೆ ಸಾಗಿ ಹರಿಯುತಲಿ
ನಿನ್ನೆದೆಯ ಮಹಾ ಸಾಗರವನ್ನು
ಸೇರಲು ತವಕದಿಂದ ಧಾವಿಸುತ್ತಿದೆ!!
- ಪಿ.ಜಿ.ಜ್ಯೋತಿ
13 Mar 2020, 10:40 am
Download App from Playstore: