ಚೆಲುವನ ಮುಗುಳು ನಗೆಗೆ
ಚೆಲುವನ ಮುಗುಳು ನಗೆಗೆ
ಮನಸೋತ ಮಲ್ಲಿಗೆಯು ನಾನು!!
ಹರೆಯದ ತೋಟದೊಳಗೆ
ಅರಳಿದ ಹೊಂಗನಸು ನೀನು!!
ನಿಶ್ಯಬ್ಧ ಲೋಕದಿಂದ ಧರೆಗಿಳಿದ
ಚೆಲುವ ಚೆನ್ನಿಗ ರಾಜಕುಮಾರ!!
ಸುಸ್ವಾಗತವು ಗೆಳೆಯ ನಿನಗೆ
ಈ ನನ್ನ ಹೃದಯದ ಅರಮನೆಗೆ!!
ಮೇಘ ಮಾಲೆಯನು ಹಿಡಿದು
ಕಾದಿದ್ದೆ ಇನಿಯ ನಿನಗಾಗಿ!!
ನೀ ಬಂದು ಎದುರು ನಿಂತ ಕ್ಷಣವೇ
ಮೈ ಮರೆತು ಹೋದೆನು ನಾನಾಗೇ!!
ಹೂ ಬಾಣದಂತ ನೋಟವನು
ನೀ ಎಸೆದೆ ನನ್ನಯ ಕಡೆಗೆ!!
ಹೃದಯವನು ನಾಟಿದ ನೋಟವು
ನನ್ನೊಳಗೆ ಮಿಡಿಯಿತು ಅನುರಾಗ!!
ಸಂಜೆಗೆಂಪಿನ ಕಾಂತಿಯ ರಂಗು
ಈ ನನ್ನ ಗುಳಿ ಕೆನ್ನೆಯ ತುಂಬ!!
ಶಿರ ಬಾಗಿ ನಿಂತಿರುವೆನು ನಾನು
ನೀ ಬಂದು ಸೇರಿಕೋ ನನ್ನನು!!
ನೀ ನನ್ನ ಸಂದಿಸಿದ ಕ್ಷಣವೇ
ನಾನಾದೆನು ನಿನ್ನಯ ಒಡವೆ!!
ನೀ ಜೊತೆಯಾಗಿ ಇರಲು ಹೀಗೆ
ಈ ಬಾಳು ಬಲು ಸುಂದರ ಸ್ವರ್ಗ!!
- ಪಿ.ಜಿ.ಜ್ಯೋತಿ
13 Mar 2020, 12:39 pm
Download App from Playstore: