ಬಾಳೆಂಬ ಕಡಲಿನಲಿ
ಬಾಳೆಂಬ ಕಡಿಲಿನಲಿ
ತೇಲುತ ಬರುತಲಿದೆ
ಸಂಸಾರವೆಂಬ ನೌಕೆ!!
ಪಯಣಿಗಳು ನೀನಾಗಿ
ಕುಳಿತಿರಲು ಹಾಯಾಗಿ
ನಾವಿಕನು ನಾನಾಗಿರುವೆ!!
ಸುಖ ದುಃಖ ಎನ್ನುವ
ಅಲೆಗಳ ಏರಿಳಿತ
ಪ್ರತಿ ನಿತ್ಯ ಬದುಕಿನಲ್ಲಿ!!
ಜೊತೆಯಾಗಿ ನೀನಿರಲು
ಬದುಕೆಲ್ಲ ಹಾಲ್ಗಡಲು
ಸಿರಿ ಸುಖ ಬಾಳಿನಲ್ಲಿ!!
ಹುಸಿಕೋಪ ನಡುನಡುವೆ
ಸಿಹಿ ಮುತ್ತ ನಾ ಕೊಡುವೆ
ಬೇಕಿನ್ನು ಯಾವ ಒಡವೆ!!
ಮನದೊಡತಿ ನನ್ನ ಗೆಳತಿ
ಈ ಬಾಳಿಗೆ ಆರತಿ
ಹುಣ್ಣಿಮೆ ನಿನ್ನ ನಗುವು!!
ದೂರದ ತೀರದಲಿ
ಹೊಳೆಯುವ ಬೆಳಕನ್ನು
ತಲುಪಲು ಹೊರಟಂತೆ!!
ಒಲಿಮೆಯ ಚಿಲುಮೆಯ
ಚಿಮ್ಮುತಲಿ ಸಾಗುತಿದೆ
ನಮ್ಮಯ ಸಂಸಾರ ನೌಕೆ!!
- ಪಿ.ಜಿ.ಜ್ಯೋತಿ
15 Mar 2020, 07:34 am
Download App from Playstore: