ಸೈನಿಕನ ಹೆಂಡ್ರು
ಈ ದಿವಸಕಂತ ಕಾದು ಸಾಕಾಯ್ತು ಯಜಮಾನ
ಬರುವೆ ಎಂದ ನಿನ್ನ ಪತ್ರ ತಲುಪಿ ಸ್ಯಾನೆ ದಿನ ಆಗದ
ಇನ್ನೂ ಬರಲಿಲ್ಲಾವ ನೀ ಯಾತಕ ನನ್ನ ಒಡೆಯ?
ಆ ಯುದ್ಧದ ಸಬ್ಧ (ಶಬ್ಧ) ಇನೆಷ್ಟು ನೀ ಕೇಳಬೇಕೊ ಯಜಮಾನ
ಹೇ ಆಕಿ ಏನವ್ವ ನಿನ್ನ ಗಂಡ ಬರೋ ದಾರಿ ಕಾದಯ
ಅಯ್ಯೋ ಮಗಳೆ ನಾ ನುಡಿದ್ದಿದೆ ಅಂದೆ ನಿನ್ನ ತಲೆಗೆ ಹೋಗಿತೆ
ಸೈನಿಕ ಅವ ಎಂದಿದರು ಆ ಮಣ್ಣಗೆ ಹೋಗಕ್ಕೆ ಅಂತಾನೆ ಇರುವ
ನೀ ಬಾರಿ ಸಣ್ಣಕಿ ಹಣೆ ಪಟ್ಟಿ ನಿನ್ನೇ ಬರೆದು ಕಂಡಿ
ಅವನ ಆರಿಸಕ್ಕ ಹೋದಿ ಅವ್ನ ಬಿಟ್ಟು ಬೇರೆ ಹುಡುಗನ ಕಟ್ಟಿಕೊಂಡು ನಡಿಯೋ ದಾರಿ ಎಷ್ಟ್ ಚಂದ ಇತ್ತೆ ಮಾರಾಯ್ತಿ,
ಈಗ ಗಂಡ ಒಂದು ಕೂಸೆಂದು ಮಹಾರಾಣಿ ಹಂಗ ಬಾಳ್ತ ಇದ್ದಿ
ನಿನ್ನ ಮಂಕು ಬುದ್ಧಿಗಿಷ್ಟು ಹೋಗು ಮನೆ ಕಡಿ ಯಾವ ಬಂದೂಕು ನುಂಗೀತೂ ನಿನ್ನವನ್ನ
ಹೇ ಅಜ್ಜವ್ವ ಅದೆಂತಾ ನುಡೀತಿ ಮುಚ್ಚು ನಿನ್ ಬಾಯ
ತು ತೂ ನನ್ ಯಜಮಾನ ಪತ್ರ ಬರೆದಾನ ಬರ್ತೀನಿ ಎಂದ
ಅದ್ಯಾಕೆ ಅಪಶಕುನ ಮಾತ ನುಡೀತಿ ಬಿಡ್ತು ಅನ್ನೆ ಅಜ್ಜವ್ವ
ನನ್ನವ ಬಾರಿ ಗಟ್ಟಿ ಅದಾನ ಮುಟ್ಟಿ ಉಳಿವರೆ ಯಜಮಾನನ
ದೇಶಕ್ಕೆ ಮಗನಾಗಕ ಹೋಗನ ನನ್ನ ಒಡೆಯ ಅದ ತಿಳಿ ನನ್ನ ಮರುಳೆ ಅಂದಿ ನೀ ಮರುಳೆ ಅಜ್ಜವ
ಬರುವ ನೀ ನನ್ ಜೊತೆ ಕೂತ್ ನೋಡು ನನ್ ಯಜಮಾನ ಓಡ್ ಬಂದಾನಾ ನಿನ್ ಕಣ್ಣ್ ಮುಂದಾಗೆ ನನ್ ಹೆಗಲ ಮೇಲೆ ಹೊತ್ತಿ ಹೋಗ್ತನಾ
ಎಂತದೆ ನೀ ಬೇರೆಯವ್ನ ಕಟ್ಟಿ ಬಾಳು ಚಂದ ಅಂತಿ
ಹೋಗ್ ಹೋಗೆ ಅಜ್ಜವ್ವ ನಾ ಈಗ ಮಹಾರಾಣಿನೇ
ಎಂತಕ ಅಂದಿ ಕೇಳೆ ಅಜ್ಜವ ನನ್ನವ ದೇಶಕ್ಕೆ ಮಹಾರಾಜ
ನಾ ಯಾರ್ ತಿಳಿದಿ ಸೈನಿಕನ ಹೆಂಡ್ರು ತಿಳಿತೆ ಅಜ್ಜವ್ವ
ಇನ್ನೂ ಜೋರ್ ಕೂಗಿನಿ ಕೇಳೆ ನಾ ಸೈನಿಕನ ಹೆಂಡ್ರು ಕಣೆ ಅಜ್ಜವ್ವ
- ಹಂಸ ಕುಲಾಲ್✍️✍️✍️
ಪ್ರತಿ ಸೈನಿಕನ ಹೆಂಡತಿ ಹೀಗೆ ಅವನ ದಾರಿ ಕಾಯುತ್ತಾಳೇನೋ, ಇವಳು ಕಾಯುವ ದಾರಿ ನಿರಾಸೆ ತರದಿರಲಿ ಅವಳ ನಂಬಿಕೆ ಎಂದು ಹುಸಿಯಾಗದಿರಲಿ ಬೇಡಿಕೊಳುವ.
ಜಾನಪದ ಶೈಲಿಯಲ್ಲಿ ಬರೆಯುವ ಹಂಬಲದ ದಾರಿಯಲ್ಲಿ.
ನಿಮ್ಮ ಅಭಿಪ್ರಾಯ ತಿಳಿಸಿ.
- ಹಂಸವೇಣಿ
15 Mar 2020, 03:58 pm
Download App from Playstore: