ಭೂತ-ಭವಿಷ್ಯ-ವರ್ತಮಾನ
ಭೂತಕಾಲದೊಳ್ ಕಳೆದುಹೋದ ಕ್ಷಣಗಳ
ಮರಳಿ ನೆನೆದರೆನು ಫಲವಿದೆ.
ಮರುಖಳಿಸಿ ನೆನೆದೊಡನೆ ಮಾಸಿಹೋದ
ಕಾಲ ಮರಳಿ ಬಾರದೆಂದು ತಿಳಿಯದೆ!!
ಅಳಿಸಲಾಗದ ಸುಖ-ದುಃಖಗಳ ಸರಮಾಲೆ
ನೆನಪೆಂಬ ಸಾಗರವ ಸೇರಿದೆ.
ನೀ ಸಾಗಿಬಂದ ದಾರಿಯಲಿ ದಿನ-ದಿನವು
ಜೀವನ ಕಲಿಸಿದ ಪಾಠ ನೆನಪಿದೆ!!
ಭವಿಷ್ಯದಲಿ ಬರಬಹುದಾದ ದಿನಗಳ
ಎನಿಸಿ ಅದರೊಳೇಕೆ ಮುಳುಗುವೆ.
ನೀ ಎನಿಸಿದೊಡನೆ ಗುಣಿಸಿ ಒಡನೆ
ಕನಸಿನ ಕ್ಷಣಗಳು ಬಾರದೆಂದು ತಿಳಿಯದೆ!!
ವರ್ತಮಾನ ಕಾಲದೊಳ್ ನೀನೇಕೆ
ಭೂತ-ಭವಿಷ್ಯದೊಳ್ ಅಡಗಿಹೋಗುವೆ.
ಪ್ರಸ್ತುತದೊಳ್ ನಡೆಯುತಿರುವುದ ಅವಲೋಕಿಸಿ
ಮುನ್ನಡೆಯುವುದ ಆಲೋಚಿಸಿ ನಿರ್ಧರಿಸುವುದ ತಿಳಿಯದೆ!!
-ಅಮರೇಶಯ್ಯಾ ಎಸ್. ಸಾಹುಕಾರ್
- Amareshayya S Sahukar
16 Mar 2020, 04:55 pm
Download App from Playstore: