ಕಾಮಿಸ್ವಾಮಿ ಮತ್ತು ದೇವ ಪಟ್ಟ
ಪಟ್ಟದಿ ಕಟ್ಟಳೆಯ ಕಟ್ಟುವಾಗಾ
ತಪ್ಪನಾ ಮಾಡಿದಲ್ಲಿ ಅಟ್ಟೀ
ನಾಯಿಯನ ಅಟ್ಟಿದಂತೆನುವ ರೂಢಿ ಮಾತು
ಭಕ್ತಗಿವಿಗಳಲಿ ಗುನಗುಟ್ಟೀ
ಪಿಂಡ ಬಿಡಿಸಿ ಪಟ್ಟದೇವರಿಂದಾ
ಬದುಕಿದ್ದಾಗಲೆ ತಾಯ್ತಂದೆಗೆ ಅಲ್ಲ ಕಂದಾ
ಪಡೆದ ಹುಟ್ಟು ಸಾಮಾಜಿಕಾ
ಆರಳಿದು ತೊಟ್ಟು ಮೂರರ ಮುಕುಟಾ
ಬಿದ್ದು ಕಾಲಿಗೊ ಮುಂದಿನ ನೆಲಕೊ
ಕೊಟ್ಟ ಹತ್ತಿಪ್ಪತ್ತ ರೂಪಾಯೆ
ಇಟ್ಟಿಗೆ ಜೆಲ್ಲಿ ಸಿಮೆಂಟು ಕಬ್ಬಿಣ ಮರಳಾಗೀ
ಬದಲಾಗಿ ಇಟ್ಟ ಹೆಸರೆ ಮಠ
ಜೀವವಿಲ್ಲದ ವಸ್ತುಗಳ ಗಾಳಾ
ಜೀವಕೆ ದೊರೆತಂತೆಲ್ಲಾ ತುಸು ಬಹಳಾ
ಮೋಹದ ಮಾಹೆ ಹುಟ್ಟುವಳಾ
ಭಕ್ತರನ್ನವ ಗಂಟಿಕ್ಕಿ ಪೀಳಿಗೆಗೆ ಕಟ್ಟುವಳಾ
ಬಾಲಂಗೋಚಿಗಳಿಗೆ ತಿಳಿದಿತ್ತೊ
ತಿಳಿಯದಿತ್ತೊ ಬಲ್ಲವರ್ಯಾರು?
ಬೇಕಿತ್ತಷ್ಟೆ ಪಟ್ಟಭದ್ರತೆಯ ಊಳಿಗಾ
ನಂಬಿಕೆ ಭಕ್ತಕಡಲ ಕತ್ತಹಿಸುಕಿ
ಗುರಿಧ್ವೇಯ ದಾರಿದಿಕ್ಕ ತಪ್ಪೀ
ಎತ್ತಲೋ ಹೊರಡುವದು ಧರ್ಮದೋಣೀ
ನೆಲ ಎಚ್ಚರೆದ್ದು ಬೀಸಿ ಬಿರುಗಾಳಿಕ್ಕೀ
ಮುಳುಗು ತೇಲಿನ ಆಟವದು ಏಣೀ
ಬಲ್ಲವರು ಯಾರು ಪ್ರಕೃತಿ ಗುಟ್ಟಾ
ಇದಿರು ಈಜುವ ಧೈರ್ಯ ಯಾರಿಗುಂಟು?
ಆರಳಿದವ ತೇಲಿ ಪಡೆದ ದೈವ ಪಟ್ಟಾ
ಉಳಿದವಗಿದ್ದೇ ಇದೆ ಕಾಮಿಪಟ್ಟಾ
- samna
19 Mar 2020, 02:05 pm
Download App from Playstore: