ಗೆಳೆಯನ ನೆನಪು.. ❤

ಒಂದು ದಿನ ಆ ಕರಾಳ ರಾತ್ರಿ...!!!

ಆ ರಾತ್ರಿಯ ಸಮಯದಲ್ಲಿ ಬರುವ ಚಂದಿರ
ನನ್ನ ಪಾಲಿಗೆ ಸತ್ತು ಹೋದಂತಿತ್ತು...

ಎಲ್ಲವೂ ಭಯದ ಶಬ್ದಕ್ಕೆ ಕಿವಿಗೊಡುವಂತಿತ್ತು..

ನನಗೆ ಜೀವವನ್ನು ನೀಡಿದ ಪುಣ್ಯಾತ್ಮನನ್ನು ಊರಿಗೂರೇ ನೆನೆಸುವಂತಿತ್ತು..

ಅಂದು ನನ್ನ ಗೆಳೆಯನ ಉಸಿರು ನಿಂತಿತ್ತು..!!


ಸದ್ದು ನಿದ್ದೆ ಹೋಗಿ ಮೌನ ಎದ್ದು ನಿಂತಿತ್ತು..

ಅಂಧಕಾರವು ಬೆಳಕನ್ನು ಮೆಟ್ಟಿ ನಿಂತಿತ್ತು..

ನನ್ನ ಜೀವನದಲ್ಲಿ ವಿಧಿಯು ಗಹಗಹಿಸಿ
ನಗುತ ನಿಂತಿತ್ತು....

ಅಂದು ನನ್ನ ಗೆಳೆಯನ ಉಸಿರು ನಿಂತಿತ್ತು.. !!


ಗೆಳೆಯನ ನೆನಪುಗಳು ಮನ ಕುಲುಕುತಿತ್ತು..

ಮನಸಿಗೆ ಮಂಕು ಕವಿದು ಸುಮ್ಮನೆ ಮಲಗಿತ್ತು..

ಅಂದು ನನ್ನ ಪ್ರಾಣ ಪಕ್ಷಿ ಹಾರಿ ಹೋದಂತಾಗಿತ್ತು..

ಅಂದು ನನ್ನ ಗೆಳೆಯನ ಉಸಿರು ನಿಂತಿತ್ತು..!!


ಆಡಿ ನಲಿದ ದಿನಗಳು ಕಣ್ಣೆದುರು ನಿಂತಿತ್ತು..

ಮನಸ್ಸು ಮಗುವಿನಂತೆ ಬಿಕ್ಕಿ ಬಿಕ್ಕಿ ಅಳುತ್ತಿತ್ತು..

ಅಂದು ಮುಂಜಾನೆ ಸೂಸುವ ಗಾಳಿಯು
ಬಿರುಗಾಳಿಯಂತಾಗಿತ್ತು..

ಅಂದು ನನ್ನ ಗೆಳೆಯನ ಉಸಿರು ನಿಂತಿತ್ತು...!!


ತಾಯಿಯ ಮುಖದಲ್ಲಿ ದುಃಖವು ತುಂಬಿ ತುಳುಕುತ್ತಿತ್ತು...

ಆ ನೋವ ಯಾವ ಜೀವವು ತಡೆಹಿಡಿಯದಂತಿತ್ತು..

ಮುಂಜಾನೆಯ ಹಕ್ಕಿಗಳ ಚಿಲಿಪಿಲಿ ಸದ್ದು
ಬದಿಗೆ ಸರಿದು ಸುಮ್ಮನೆ ನಿಂತಂತಿತ್ತು..

ಅಂದು ನನ್ನ ಗೆಳೆಯನ ಉಸಿರು ನಿಂತಿತ್ತು..!!


ಬರಸಿಡಿಲು ಎದೆಗೆ ಅಪ್ಪಳಿಸಿದಂತಿತ್ತು..

ಬಿರುಗಾಳಿಗೆ ಸಿಲುಕಿ ತತ್ತರಿಸಿದಂತಿತ್ತು..

ಜೀವದ ಹಂಗು ತೊರೆವ ಆಸೆ ನನಗೂ ಬಂದಂತಿತ್ತು..

ಅಂದು ನನ್ನ ಗೆಳೆಯನ ಉಸಿರು ನಿಂತಿತ್ತು..!!


ಅಂದು ನನ್ನ ಜೀವನ ಜೀವವಿಲ್ಲದ ಬೊಂಬೆಯಾದಂತಾಗಿತ್ತು...

ಈ ಬೊಂಬೆಗೆ ಉಸಿರು ನೀಡಿದ ಗೆಳೆಯನಿಲ್ಲದಂತಾಗಿತ್ತು..

ಗೆಳೆಯನಿಲ್ಲದ ಜೀವನ ಇನ್ನೇಕೆ ಎಂದೇನಿಸಿತ್ತು..

ಅಂದು ನನ್ನ ಗೆಳೆಯನ ಉಸಿರು ನಿಂತಿತ್ತು..!!


ಕೋಪ ತಾಪ ಸಿಟ್ಟು ಮುನಿಸು ಅಳು
ಎಲ್ಲವೂ ಬಂದಂತಿತ್ತು..

ಯಾರಿಗೇಳದ ಸಂಧರ್ಭ ನನಗೊದಗಿ ಬಂದಿತ್ತು..

ಊರಿಗೂರೆ ನನ್ನ ನೋಡುತ್ತ ನಿಂತಂತಿತ್ತು...

ಅಂದು ನನ್ನ ಗೆಳೆಯನ ಉಸಿರು ನಿಂತಿತ್ತು..!!


ಗೆಳೆಯನನ್ನೊಮ್ಮೆ "ಪಪ್ಪ " ಎಂದು ಕೂಗೆಂದು
ನನ್ನ ಮನ ಹೇಳಿದಂತಿತ್ತು...

ಕೂಗಿದರೂ ನನ್ನ ಕೂಗು ಗೆಳೆಯನಿಗೆ ಕೇಳಿಸದಂತಿತ್ತು..

ಕೂಗಲೂ ಗಂಟಲಲ್ಲಿ ದನಿಯೇ ಇಲ್ಲದಂತಾಗಿತ್ತು..

ಅಂದು ನನ್ನ ಗೆಳೆಯನ ಉಸಿರು ನಿಂತಿತ್ತು..!!

- ಇಂತಿ ನಿನ್ನ ಉಸಿರು..
( Dad's lil princess

- AratiRajkumar

23 Mar 2020, 08:34 pm

---

Download App from Playstore: