# ಬಾ ಅತಿಥಿ
ಹೃದಯ ಪಡಸ್ಯಾಲೆ ಮ್ಯಾಗಾ
ನೆನಪ ಚಿತ್ರದಚಾಪೆಯ ನೆಲಕ ಹಾಸಿ
ಬಣ್ಣಕನಸ ಹರಡಿ ಬೆಳಗೀಗಾ
ಒಲವೆಂಬ ಅತಿಥಿಯ ಕರೆದು ಕುಳ್ಳಿರಿಸಿ
ಗೋಡೆಮೇಲಿನ ಚಿತ್ರಪಟ
ಕಸೂತಿಯ ಗುಂಡಿಗಾಜಿನ ಬಿಳಿಮೊಲ
ಇಳಿದು ಕೆಳಗೆ ಮೌನದಲಿ
ಆಡುತಿದೆ ಎದೆಹಕ್ಕೆಯ ತುಂಬ ಕಿಲಕಿಲ
ನೆತ್ತರ ಕಣದ ಅನುರಕ್ತ
ಬೆಳಕದೆ ಕಂಭದ ಮ್ಯಾಲೆ ಅಚ್ಚಿಟ್ಟ ದೀಪದಾ
ಬೆಳಕಬಳ್ಳಿ ತಾಳಿರೂಪ
ನೃತ್ತಿಸತಿದೆ ಕಪ್ಪುಶಿಲೆಯಂತ ನೆರಳಬಿಂಬದಾ
ಮಾಳಿಗೆಗೆ ಕರಲ ತುಂಬಿ
ಬಿದ್ದಮಳೆನೀರ ದಾಟಿಸಿ ಜಂತಿ ಸೋರದಂತೆ
ನೆಲೆಗಟ್ಟ ರೆಕ್ಕೆಯ ನಂಬಿ
ಹಾರಿಬಿಟ್ಟಿದೆ ಎದೆಹಕ್ಕಿಯ ನಭಹೊಕ್ಕಂತೆ
ಈಚಲದ ತೊಲೆ ಸಂದಿನಲಿ
ಮೆತ್ತಿದ್ದ ಸೆಗಣಿಧೂಳಕಸ ಸ್ವಚ್ಛಗೊಂಡು
ಬಣ್ಣ ತಳೆದಿದೆ ಬಿಳಿಹಾಲಿನಲಿ
ಕತ್ತಲೆಕರಗಿ ದೀಪಉರಿ ಹೆಚ್ಚುಗೊಂಡು
ಹೊದಿಸಿದ್ದ ಹೆಂಚು ಹಾರಿ
ಛಾವಣಿ ಗೀಗ ರವುದೆಯೆ ಹೊತ್ತಿದೆ ನೆರಳ
ಹಾವುಗುಬ್ಬಿಗೂ ನೆಲೆತೋರಿ
ಬದುಕು ಪ್ರೀತಿ ಕಣ್ಣರಳಿಸಿ ಬೆಸೆದಿದೆ ಕರುಳ
ಮನದ ಮನೆಗೆ ಬಾ ಗೆಳತಿಯೇ
ಅಂಗಳ ಸಾರಿಸಿ ಚಿಕ್ಕಿರಂಗೋಲಿ ಬಣ್ಣಬರೆದು
ಚಂದಪ್ಪನೂಟ ಕೂತು ಉಣ್ಣಾಕ
ಅಂದವ ಹೊದ್ದು ಬೇರಬಿಡು ಕಣ್ಣಕೊರೆದು
- samna
24 Mar 2020, 05:29 pm
Download App from Playstore: