ಮತ್ಸರಬಳ್ಳಿ
ಕೊಚ್ಚೆಯೆ ಹರಿದ ಇಚ್ಛೆಯೆ ತಳೆದ
ಹೆಚ್ಚಿತ ಬಳ್ಳಿ ಸ್ವಾರ್ಥ ತುಂಬಿ ಅಳ್ಳಿ
ಮುಚ್ಚಿ ನಗಲೊ ಸುಚ್ಚಿ ಕೊಲ್ಲಲೊ
ಮೈತುಂಬ ತಳೆದಿತ ಮುಳ್ಳಕಳ್ಳಿ
ಹೂವ್ವೆಂದ ಮುಡಿಯೆ ಬತ್ತಿಸಿ ಬದುಕ
ಇಡುಹೆಜ್ಜೆಗಳ ತೊಡರ ಗೆಡವಿ
ಕೂಡೆಂಬೊಲವ ಕಡಿದು ಇತ್ತು ನೋವ
ಬುಡಕೊಳೆಸಿ ಆಸರೆಯ ಕೆಡವಿ
ಸತ್ತ ಹಸುಗಳೆಷ್ಟ ವಿಷದೆಲೆ ಮೆದ್ದು ?
ವೃಕ್ಷಮೈ ಮುರಿದ ಸರ್ಪದಾಸರ
ಒಣನಗೆ ನಕ್ಕಿತೆಷ್ಟ ಕಂಡು ಹಣಹದ್ದು ?
ನಡೆಕಲಿಸುವ ನಳ್ಳಿದು ಮತ್ಸರ
ಸಾಕಿ ಒಡಲಲಿ ವಿಷಚಿಂತನೆ ಹಾವಚೇಳ
ಹರಿಬಿಟ್ಟು ಕೊಲ್ಲಿಸಿದೆ ಪ್ರೀತಿಜಿಂಕೆಯ
ಹೀರಿ ಹಬ್ಬಿ ಮಂದನಗೆ ಕಣ್ಣೀರುಗೋಳ
ಅರಳಿಟ್ಟಿದೆ ಹೂವ್ವ ಕುಹಕನಗೆಯ
ಹಬ್ಬಿಸಲು ಹಾಲಚಂದ್ರನೆಡೆಗೆ ಬಿಂದಿಗೆ ಹಾಲ
ಚೆಲ್ಲಿದರು ಕೊರಲ ಹಿಚಕಿದೆ ಮಾಲಿಯ
ಪ್ರೇಮ ಬೇಡಿದ ಹಸ್ತಕ ಹೊಯ್ದಿದೆ ಹಾಲಹಲ
ಎದೆಮನ ಸುಟ್ಟ ಲತೆಇದು ಬೇಲಿಯ
- samna
04 Apr 2020, 02:30 pm
Download App from Playstore: