ಪರಿಧಿ
ಮೇರೆಗಳಿಲ್ಲದೇ ಪಸರಿಸಿದ ಅಂಬರವೆಲ್ಲ
ಸಾವಿರ ತಾರೆಗಳಿಂದ ತುಂಬಿಹುದಲ್ಲ
ನಮ್ಮ ಮೀರುವವರು ಇಲ್ಲಿಲ್ಲ
ಎಂಬ ಭ್ರಮೆಯೇ ಅವುಗಳ ತಲೆಯ ತುಂಬೆಲ್ಲ
ನೇಸರನು ಕಾಣದಂತೆ ಈ ಭುವಿಗೆಲ್ಲ
ಮರೆಮಾಚಬಲ್ಲವೇ ಆ ತಾರೆಗಳೆಲ್ಲ?
ನಲಿಯುತಲಿ ಸಾಗುತಿಹವು ನದಿಗಳೆಲ್ಲ
ಕಡಲಸೇರುವ ಕನಸನೊಂದ ಕಾಣುತಿಹವಲ್ಲ
ದಶದಿಕ್ಕುಗಳಿಂದ ನುಗ್ಗಿ ಬರುತಲಿರುವುವೆಲ್ಲ
ಭೋರ್ಗರಿಸುತಲೇ ಓಡುತಲಿವೆಯಲ್ಲ
ಕಡಲ ಕಂಡೊಡನೆ ಅಪ್ಪಳಿಸಿಹವಲ್ಲ
ಸೀಳಬಲ್ಲವೇ ಆ ಕಡಲ ಅವೆಲ್ಲ?
ದುರಾಸೆ ಎಂಬುದೇ ತುಂಬಿಹುದಲ್ಲ
ಮನುಜನೆಂಬ ಪ್ರಾಣಿಯ ತಲೆಯ ತುಂಬೆಲ್ಲ
ತಿಳಿದಿಹನು ತನ್ನದೇ ಇಲ್ಲಿರುವುದೆಲ್ಲ
ಮರೆತಿಹನು ಅದಾವುದೂ ಅವನದಲ್ಲ
ಮಾತೆ ಮುನಿದರೆ ತನಗುಳಿಗಾಲವಿಲ್ಲ.
ಅರಿಯುವನೇ ಸತ್ಯವನಿದನೆಲ್ಲ?
@ಕಂಪಾ
- KN PATIL
04 Apr 2020, 03:07 pm
Download App from Playstore: