ತಪ್ಪಿದ ಅನಾಹುತ
ಒಂದು ಸುಂದರ ಸಂಜೆ
ಬಂದನ ಮೀರಿ ಹೊರಟನು ಆಚೆ
ಸತಿ-ಸುತರ ಕೂಡಿ ಗಾಡಿಯ ಏರಿ
ಹೊರಟನು ವೇಗದ ಎಲ್ಲೆಯ ಮೀರಿ
ಉರಿದು-ಉರಿದು ದಣಿದ ನೇಸರ
ಸೇರುತಲಿದ್ದನು ಪಶ್ಚಿಮ ದಿಕ್ಕಿನ ಊರ
ಕಾಲನಂತೆ ಕೂಡಿದ ಮೋಡಗಳು
ಕಾರುತಲಿದ್ದವು ಮಳೆಹನಿಗಳು
ಇಹಲೋಕದ ಕಣ್ಣ
ತಪ್ಪಿಸುವ ತವಕದಲಿ
ಸಾಗುತಲಿದ್ದನು ಜಾಣ
ಅಂಕುಡೊಂಕಿನ ಹಾದಿಯಲಿ
ಸಣ್ಣನೆ ತಿರುವಿನಲಿ
ಗಾಡಿಯು ಜರ್ರನೆ ಜಾರುತಲಿ
ತಿರುಗಿತು ಚಕ್ರದ ರೀತಿಯಲಿ
ಬಿದ್ದವು ಮನಗಳು ಭೀತಿಯಲಿ
ದೂರದ ನೋವಿಗೆ ಮರುಗುವ ಜೀವ
ಅರಿಯದೆ ಹೋಯಿತು ಕಂದನ ನೋವ
ದಾರೀಹೋಕನು ದಾವಿಸಿ ಬಂದ
ನೋಂದ ಮನಕೆ ಧೈರ್ಯವ ತಂದ
ಅಂತು ತಂಪಿನ ಗಾಳಿಯು ಬೀಸಲು
ಮೋಡವು ಹಾರಿ ದೂರಕೆ ಜಾರಲು
ಮನೆಯನು ತಲುಪಿದ ಮನಗಳು
ಚಿಂತೆಯಲಿ ಮುಳುಗಿದವು.
ಶಾರದ
- ಶಕುಂತಲಾ
07 Apr 2020, 10:53 pm
Download App from Playstore: