○○○| ಎದೆರಾಣಿ ಮಂಜಿ |●●●
ಗಲ್ಲೆನ್ನ ಗೆಜ್ಜಿಯ ಸೊಲ್ಲೆತ್ತ ಗುಬ್ಬಿಯ
ಬೀಲ್ಲಿನ ಕಣ್ಣಾಗ ಬಿಟ್ಟೆ ನಲ್ಲಿನ ಬಾಣ
ನಲ್ಲನಗೂಡಿಗೆ ಪ್ರೀತಿ ಕಲ್ಲೊಡದೆ ಯಾಕ ಮಂಜಿ
ಮ್ಯಾಲ ಹರಿದು ಬಂದಾಂಗ ಕಲ್ಲರೋಣ
ಮಾಯದ ಮಂಜಿ ಹಾಯಿ ಮಂಜಿ
ಮರಡಿ ಹಾದ್ಯಾಗ ಇಣಕ ಸಂಪೀಗಿ
ಬೆಳ್ಳಿನಗೆಯ ಮಂಜಿ ನವಿಲಗಣ್ಣ ಮಂಜಿ
ಬೇಡೆಂದರ ಬಿಡದ ಕಂಪಿಟ್ಟ ಕೇದಗಿ
ಹಸಿರಂತ ಮಂಜಿ ಉಸಿರಂತ ಮಂಜಿ
ಮುಸಿನಕ್ಕ ಮುತ್ತಿನ ಹೊನ್ನ ರಂಜಿ
ಹಾಲಂತ ಮಂಜಿ ಬೇಲೂರ ಬಾಲೆ ಮಂಜಿ
ಹಳೆಜನ್ಮದಾಗಿನ ಎದೆರಾಣಿ ಸಂಜಿ
ಕಂಜಾದ ಮ್ಯಾಲ ಹುಟ್ಟಿದ ಮಂಜಿ
ಮುಂಜಾನ ಮುತ್ತಾಗಿ ಹೊಳೆದೀ
ಸಂಜ್ಯಾದ ಮ್ಯಾಲ ಜೊನ್ನರೆಯಾಗ ಘನಿಸ
ಬಂಗಾರ ಗುಡಿಸಲಾಗ ಬೆಳೆದೀ
ಬೆಳ್ಳಾನ ಬೆಳಿಗ್ಗೆ ಬೆಳ್ಗುದರೆ ಮ್ಯಾಲೇರಿ
ಕುಳಿತು ಬರುವ ರಾಣಿ ಮಂಜಿ
ತಳ್ಳಿ ಎದೆ ಮದಿಲ ಒಳನುಗ್ಗಿದೆ ತೂರಿ
ಬಳ್ಳಿ ಬೇರತೊಟ್ಟ ಜಾಜಿಮಂಜಿ
ನೆರಳಂತ ಮಂಜಿ ಬಿಸಿಲಂತ ಮಂಜಿ
ಬೆರಳಿಗೆ ಬೆರಳಚ್ಚಿ ಮುಂಗುರುಳ ಮುತ್ತಿಕ್ಕಿ
ಕೆರಳ ಬಿಸಿಲಾಗ ಕರಗಿ ಹಸಿರಾದ ಮಂಜಿ
ತರಳೆ ಮಂಜಿ ತುಂತುರ ಮಂಜಿ
ಪುಟ್ಟ ಹಸುಳೆ ಮಂಜಿ ಬೆಟ್ಟಹರಿಣಿ ಮಂಜಿ
ಕುಪ್ಪಳಿಸಿ ಕುಣಿದಾಕೆ ಕಪ್ಪ ಬೇಡಿದಾಕೆ
ಹಸಿರ ಸಿಂಗಾರ ಇಬ್ಬನಿ ಮುತ್ತಿನರಳ ಮಂಜಿ
ಮಳೆಬಿಲ್ಲ ಬಣ್ಣ ಮೈಗುಟ್ಟು ಕಾಡಿದಾಕೆ
ಮುತ್ತಿಟ್ಟ ಮಂಜಿ ತುತ್ತಿಟ್ಟ ಮಂಜಿ
ಹೆಂಚಿನ ಮನೆಯಾಗ ಬಿಚ್ಚಿದ ಬಾಳಸಂಚಿ
ಬಿತ್ತಿ ಬೆಳೆಯೊ ಮಂಜಿ ಹತ್ತಿ ಹೂಮಂಜಿ
ಕಂಚೀನ ತಟ್ಟ್ಯಾಗ ಕೂಡಿ ಉಣ್ಣಾಕೆ ಹಂಚಿ
ಮಂಜಿ ಮಂಜಿ ನನ್ನ ಕಣ್ಣಂಚ ಮಂಜಿ
ಸಂಜೀವಿನಿ ತಂದಾಕಿ ಮರುಜೀವ ಹೊಯ್ದಾಕಿ
ಸಂಜೀಗಿ ನೆನಪಿಟ್ಟ ಗುಲಗಂಜಿ ಮಂಜಿ
ಗಂಜೀಯ ಬದಕಿಗ ಮಂಜ ಸುರಿದಾಕಿ
ಕಲ್ಲೀನ ಮಂಜೀ ಮುಳ್ಳಿನ ಮಂಜಿ
ತಲ್ಲಣಿಸ ತುಟಿಮುತ್ತ ಮುಂಗುರುಳ ಚುಚ್ಚಿ
ಎಲ್ಲಿ ಹೋದೆ ಮಂಜಿ ಮಲ್ಲೆ ಹೂ ಮಂಜಿ
ಕಲ್ಲಾಗ ಕೆತ್ತಿಸಿ ಹೆಸರ ಇಬ್ಬನಿಯ ಹನಿಮುಚ್ಚಿ
ಕ್ಷಾತ್ರಸನಾ ಇಕ್ಷ್ವಾಕು
- samna
09 Apr 2020, 02:32 pm
Download App from Playstore: