ಒಮ್ಮೆ ತಿಳಿದು ನೋಡಾ
ಉಡುಗೆ -ತೊಡುಗೆ ನೋಡಿ
ಅಳಿಯಬೇಡಾ ಮೂಢ,
ಬಹಿರಂಗದ ಆಡಂಬರಕ್ಕಿಂತ
ಅಂತರಂಗದ ಗುಣವನು ಒಮ್ಮೆ ತಿಳಿದು ನೋಡಾ,
ಬಡವನೆಂದು ದುಡಾಬೇಡಾ ಮೂಢ,
ಇದ್ದವರೇ ನಿಜವಾದ ಕಳ್ಳರು ಒಮ್ಮೆ ತಿಳಿದು ನೋಡಾ,
ಹಣ, ಆಸ್ತಿ, ಅಧಿಕಾರವಿದೆಯೆಂದು
ಮೆರೆಯಬೇಡ ಮೂಢ,
ಇದೆಲ್ಲ ಕ್ಷಣಿಕ ಸುಖ ಒಮ್ಮೆ ಅರಿತು ನೋಡಾ.
ರೈತನೆಂದು ಕೀಳಾಗಿ ನೋಡಬೇಡಾ ಮೂಢ,
ನೀ ತಿನ್ನುವ ಪ್ರತಿ ಅಗಳು ರೈತನ ಶ್ರಮದ ದುಡಿಮೆ ನೋಡಾ.
ಹುಟ್ಟಿದ ಊರನು ಎಂದು ತೊರೆಯಬೇಡಾ ಮೂಢ,
ಮರೆಯಬೇಡಾ ನೋಡಾ, ಅದುವೇ ಪ್ರೀತಿ ವಾತ್ಸಲ್ಯದ ಗೂಡ.
ಅಂದನೋಡಿ - ಅಂಧಕನಾಗಬೇಡಾ ಮೂಢ
ಕಣ್ತೆರೆದು ನೋಡು ಒಳ್ಳೆ ಗುಣ, ಮನಸಿರುವವರ,
ಪ್ರೀತಿ ಬಯಸಿ ಕುರುಡನಾಗ ಬೇಡಾ ಮೂಢ,
ಒಮ್ಮೆ ನೆನಪಿಸಿಕೋ ನಿನ್ನ ನಂಬಿದವರ ಪಾಡ
:-ವೀಣಾ ಲಿಂಗಣ್ಣ
(ರಾಯಚೂರು )
- Veena
29 Apr 2020, 01:24 pm
Download App from Playstore: