ಕೊರೋನಾ
ಕೊರೋನಾ ಮಹಾ ಮಾರಿ
ಕೊಲ್ಲುತ್ತಿದೆ ಎಲ್ಲರ ಮೇಲಾರಿ
ಇದಕ್ಕಿಲ್ಲ ಯಾವುದೇ ಬೇದಭಾವ
ಪರದಾಡುತಿಹರು ಉಳಿಸಲು ಜೀವ !
ಚೀನಾದ ವುಹಾನ್ ನಲ್ಲಿ ಜನನ
ದಶದಿಕ್ಕಿನಲ್ಲಿ ಮರಣಮೃದಂಗನ
ಕೋಟೆ- ಕೊತ್ತಲಗಳ ದಾಟಿ
ಬಡವ- ಬಲ್ಲಿದರ ಭೇಟಿ
ಬೀಗುತಿದ್ದ ವಿಶ್ವದ ದೊಡ್ಡಣ್ಣನೂ;
ಆದ ಕೊರೋನಾ ಮುಂದೆ ಸಣ್ಣವನು
ಸರ್ವಾಧಿಕಾರಿಗಳ ಸಾಮ್ರಾಜ್ಯಗಳೆಲ್ಲ
ಕೊರೋನ ಬಲೆಯಲ್ಲಿ ವಿಲವಿಲ
ಭಾರತಕ್ಕೆರಗಿದ ಮಹಾಮಾರಿ
ತೋರುತ್ತಿದೆ ಸ್ಮಶಾನದ ದಾರಿ
ಪ್ರಧಾನಿ ಲಾಕ್ ಡೌನ್ ಜಾರಿ
ತೊಲಗಿಸಲು ಸಕಲ ತಯಾರಿ
ಹೋರಾಟಕ್ಕೆ ರಣರಂಗ ಸಿದ್ದ
ಶಸ್ತ್ರಸಜ್ಜಿತ ಕರೋನ ಸದಾ ಬದ್ದ
ಸ್ವಚ್ಛತೆ,ಸಾಮಾಜಿಕ ಅಂತರ
ಇವೆರಡೇ ನಮ್ಮೆಲ್ಲರ ಅಸ್ತ್ರ
ಊಸರವಳ್ಳಿಯಂತ ಗುಣಾಣು
ಪಾಪಿ ಕೊರೋನಾ ವೈರಾಣು
ಉಳಿಸಲು ವೈದ್ಯರ ಹರಸಾಹಸ
ನಿಯಂತ್ರಿಸಲು ಆರಕ್ಷಕರ ವನವಾಸ
ನಮ್ಮ ರಕ್ಷಣೆಗೆ ಹೊರಾಡುವವರಿಗೆ
ನೀಡೋಣ ಒಂದು ಸಲಾಮು
ಮುಂದಾಗೋಣ ದೇಶ ಸೇವೆಗೆ
ಲೇಪಿಸುತ್ತ ಕೊರೋನಾಗೆ ಮುಲಾಮು
ಶಾರದ
- ಶಕುಂತಲಾ
02 May 2020, 09:44 am
Download App from Playstore: