ಕಾಯಕ ಯೋಗಿ
"""""""""""
ಕಾಯಕವೇ ಕೈಲಾಸವೆಂದು ಪ್ರತಿಪಾದಿಸಿದ
ಕಾಯಕ ಯೋಗಿ
ಜಾತಿಮತ ಧರ್ಮದ ಮೌಢ್ಯವೆಂಬ ತಮವ
ಅಳಿಸಲು ಹೋರಾಡಿದ ಭೈರಾಗಿ !
ಮನದಲಿ ದೇವರನರಸಿ ಎಂದು ಬೆಳಕು ತೋರಿದೆ
ಕ್ರಾಂತಿಯ ಹರಿಕಾರನಾಗಿ
ವಿಶ್ವಮಾನವ ನೀನಿಂತೆಲ್ಲರ ಮನದೆ ಜಗಜ್ಯೋತಿ
ಬಸವೇಶ್ವರನೆಂದು ಅಜರಾಮರವಾಗಿ !
ಮಾನವತೆಯ ಸೆಲೆಯಲಿ ಧರ್ಮವ ಅರಿತ ಬೆರಗು
ಅನುಭವ ಮಂಟಪದಲಿ ವಚನಗಳ ಸೊಬಗು
ಜಗದ ಮೌಢ್ಯವ ಬದಲಾಯಿಸಲು ಅನವರತ
ಗುಡುಗು
ದಯವೇ ಧರ್ಮದ ಮೂಲವಯ್ಯ ಎಂದು
ಸಾರಿದ ನಿಮ್ಮಿಂದ ಮಾನವತಾವಾದಿಯೆಂಬ
ಹೆಸರಿಗೆ ಮೆರುಗು !
- Shaku Thanks Amma Shaku
02 May 2020, 08:05 pm
Download App from Playstore: