ತಾಯಿ ನಿನಗಿಲ್ಲ ಯಾರು ಸಮಾನ
ತಾಯಿ ನಿನಗಿಲ್ಲ ಯಾರು ಸಮಾನ
ನಿನಗೊಂದು ನನ್ನ ನಮನ
ತಾಯಿ ನಿನ್ನೊಡಲು ಆನಂದ ಸಾಗರ
ನಡೆ ನುಡಿ ಕಲಿಸಿದ ವಿದ್ಯಾ ಮಂದಿರ.
ಮಕ್ಕಳಾಗದಿದ್ದಾಗ ......
ಗುಡಿ ಗುಂಡಾರ ಸುತ್ತುತಿ
ಯಜ್ಞ - ಯಗಾದಿಗಳು ಮಾಡಿ
ಕೊನೆಗೆ ಆಸ್ಪತ್ರೆಗಳ ಮೆಟ್ಟಿಲು ಹತ್ತುತಿ.
ನಿನ್ನ ಒಡಲ ಒಳಗಿಂದ
ಕುಡಿ ಹೊರಬಂದಾಗ..... ನೀ
ಪಡುವ ಆನಂದ ಅಷ್ಟಿಷ್ಟಲ್ಲ..!
ಅದನ್ನ ಬಣ್ಣಿಸಲು ಪದಗಳೇ ಸೃಷ್ಟಿಯಲ್ಲಿಲ್ಲ.
ಸುಖ ದುಃಖ ಬಿರುನುಡಿಗೆ ಹೆದರದೆ
ನವ ಮಾಸ ಹೊತ್ತು ಹೆತ್ತವಳು
ಕುಡಿಗೆ (ಮಗು) ಕೆಡುಕಾದರೆ
ಹಗಲಿರುಳು ಅತ್ತವಳು.
ನೋವು ನಲಿವು ಅನುಭವಿಸಿ
ನೀಡಿದಿ ನಮಗಾನಂದ...
ಕುಟುಂಬದ ಒಳತಿಗೆ ಬದುಕೇ ಮೀಸಲಿಟ್ಟು
ಸಂಸಾರದ ದೋಣಿ ಸಾಗಿಸುವುದೇ ಚಂದ.
ನಿನ್ನ ಪ್ರೀತಿ, ಸಹನೆ, ಸಹಕಾರ - ಸಂಸ್ಕಾರ
ಮೌಂಟ್ ಎವರೆಸ್ಟ್ಗಿಂತ ಎತ್ತರ
ನಿನ್ನ ಋಣ ತೀರಿಸಲು ಈ ಜನ್ಮದಲ್ಲಿ ಸಾಧ್ಯವೇ? ನಮ್ಮಲಿ ಇಲ್ಲ ಉತ್ತರ.
...............................................
- lakshman
10 May 2020, 09:56 am
Download App from Playstore: