ಹಸಿವಿನ ರುಚಿ
ಹಸಿಯದಲ್ಲವನಿಗೇನು ಇತ್ತರೆ ತುಪ್ಪವ
ಬಾಯಿ ಚಪ್ಪರಿಸಿ ಇನ್ನುವನೇನು.....
ಹಸಿದವನಿಗಿತ್ತರೆ ಸಾಕು ಹಲಸಿದನ್ನವ
ಸೊಲ್ಲೆತ್ತದೆ ತಿನ್ನುವನಲ್ಲವೇ
ರುಚಿ ರುಚಿ ಎಂದು........ಮರಕುಟಿಗ!
ದಿನಕ್ಕೆ ಮೂರೋತ್ತು ಮೃಷ್ಟಾನ್ನ
ತಿನ್ನುವ ಜಮೀನ್ದಾರನಿಗೇನು ಗೊತ್ತು.
ಹಬ್ಬ ಹರಿದಿನಗಳಿಗೊಮ್ಮೆ ಮಾಡುವ.
ಬಡವನ ಮನೆಯ ಹೋಳಿಗೆಯ
ರುಚಿಯ ಸ್ವಾದ.............ಮರಕುಟಿಗ!
ಬಂಗಾರದ ತೂಗುಯ್ಯಾಲೆಯಲ್ಲಿ...
ಬೆಳ್ಳಿ ತಟ್ಟೆ ಹಿಡಿದು ಬೇರೊಬ್ಬರು
ತಿನ್ನಿಸುವ ಅನ್ನದ ರುಚಿಗಿಂತ.......
ಗುಡಿಸಲ ಮನೆಯಲ್ಲಿ ಚಂದಿರನ
ತೋರಿಸಿ ತಾಯಿ ತಿನ್ನಿಸುವ ಗಂಜಿಯ
ರುಚಿ ಮೇಲಲ್ಲವೇ.......ಮರಕುಟಿಗ!
ಒಂಟಿಯಾಗಿ ದೂರದ ಪರದೇಶದಲ್ಲಿ
ದುಡಿದು ಕುಂತು ತಿನ್ನುವ ತಿನಿಸಿನ
ರುಚಿಗಿಂತ ತನ್ನದೇ ಹೊಲದಲ್ಲಿ ದುಡಿದು ಸಂಸಾರದೊಟ್ಟಿಗೆ ಕುಳಿತು ತಿನ್ನುವ
ಕೂಳಿನ ರುಚಿ ಮೇಲು..... ಮರಕುಟಿಗ!
ಹಸಿವಿಲ್ಲದವನು ಅದ್ದು ಮೀರಿ ತಿನ್ನುವುದಕ್ಕಿಂತ
ಸ್ವಲ್ಪವಾದರೂ ಇಲ್ಲದವನಿಗಿತ್ತರೆ
ಅದೇ ಮಾನವ ಧರ್ಮ ..... ಮಾರಕುಟಿಗ!!
✍️ ಮಂಜು
- ಮಂಜು
20 May 2020, 08:31 pm
Download App from Playstore: