ಈ ಹೃದಯದಿ ನಿನ್ನ ಹೆಸರಿದೆ
ಈ ಹೃದಯದಿ ನಿನ್ನ ಹೆಸರಿದೆ-೭
"ಎಲ್ಲಾ ಮರಿತ್ತೀರ ಆದ್ರೆ ಕೋರ್ಟ್ ನಲ್ಲಿ ಮಾತ್ರ ಎಲ್ಲಾ ನೆನಪಲ್ಲೇ ಇರುತ್ತೆ ಅಲ್ವಾ? (ಎಂದು ನಕ್ಕು ಕೀರ್ತಿ ಕಡೆ ತಿರುಗಿ)
ಕೀರ್ತಿ ನಾನ್ ಎಕ್ಸಿಪ್ಟ್ ಕೂಡ ಮಾಡಿರ್ಲಿಲ್ಲ, ಐಎಂ ಸೋ ಹ್ಯಾಪಿ"
ಮತ್ತೆ ಮುಗುಳು ನಗೆ ಅಷ್ಟೇ ಸೌರಭ್ ಉತ್ತರ.
"ಕೀರ್ತಿ ಇವತ್ತೇನಾದ್ರು ಸೂರ್ಯ ಪಶ್ಚಿಮದಲ್ಲಿ ಉದಾಯಿಸಿರಬಹುದಾ?"
ಅನನ್ಯ ಪ್ರಶ್ನಿಸಿದಳು. ಅರ್ಥವಾಗದ ನೋಟದಲ್ಲಿ ಸೌರಭ್,
"ಅಕ್ಕ,,,"
ಎಂದು ಅವರನ್ನೇ ನೋಡಿದ.
"ಇಷ್ಟು ದಿನಕ್ಕೆ ಇವತ್ತು ಬರ್ಬೇಕು ಅಂತಾ ಮೂಡ್ ಬಂದಿದಿಯಲ್ಲ ನಿಂಗೆ"
ನಕ್ಕಳು. ಅವನು ಜೊತೆಯಾದ.
ಅನನ್ಯ ಕೀರ್ತಿ ವೃತ್ತಿ ಜೀವನದಿಂದ ಸ್ವಲ್ಪ ಹತ್ತಿರ. ಆಗಾಗಿ ಪ್ರೀತಿಯಿಂದ ಅಕ್ಕ ಎಂದು ಕರೆಯುವ. ಆಕಾಶ್ ಆಗೊಮ್ಮೆ ಈಗೊಮ್ಮೆ ನೋಡಿ ಅಷ್ಟೇ ಆತ್ಮೀಯರಾದರು. ಅದೆಷ್ಟೋ ಬಾರಿ ಸೌರಭ್ ಗೆ ಆಹ್ವಾನ ನೀಡಿದರೂ ಒಮ್ಮೆಯೂ ಹಾಜರಿ ನೀಡಲಿಲ್ಲ. ಯಾವುದೇ ಫಂಕ್ಷನ್ ಗಳಿಗೂ ಸಹ. ಆಗಾಗಿ ಇವನ ಸ್ವಭಾವ ಅರಿವಿದ್ದರಿಂದ ಸುಮ್ಮನಾಗಿದ್ದರು.
"ಅಕ್ಕ ಸ್ಪಂದನಾ ಎಲ್ಲಿ"
ಕಾತುರದಿಂದ ಕೇಳಿದ. ಪ್ರತಿಯಾಗಿ ಆಕಾಶ್,
"ಅವ್ಳು ಕೇಕ್ ಕಟ್ ಮಾಡೋಕ್ಕೆ ಕಾಯ್ತಾ ಇದ್ದಾಳೆ, ನಿನ್ ಬರ್ತೀನಿ ಅಂತ ಮೆಸೇಜ್ ಮಾಡಿದ್ದು ನೋಡಿ ವೇಟ್ ಮಾಡ್ತಾ ಇದ್ದೀವಿ. ಎಲ್ಲಾ ಹೊರಡೋದೆ ಈಗ"
ಎಂದು ಮುಂದೆ ನಡೆದ. ಹಿಂಬಾಲಿಸಿ ಎಲ್ಲಾ ನಡೆದರು.
ಸೌರಭ್ ಮನಸ್ಸೇಕ್ಕೊ ಅವನಿಗೆ ತಿಳಿಯದೆ ಹರುಷ ನೀಡುತ್ತಿದೆ, ಯಾಕಾಗಿ? ಅದೇಕೋ ಅವನ ಹೃದಯ ಬಡಿತದ ಏರಿಳಿತ ಹೆಚ್ಚಾಗುತ್ತಿದೆ. ಅದ್ಯಾವುದೋ ಸೂಚನೆ ನೀಡುತ್ತಲಿದೆ. ಅದೇ ಏನು ಎಂಬ ಪ್ರಶ್ನೆ ಅವನಿಗೆ ಕಾಡುತ್ತಿದೆ.
ಮುಂದುವರೆಯುವುದು,,,,,
- ಹಂಸ ಕುಲಾಲ್ ✍️✍️✍️
- ಹಂಸವೇಣಿ
04 Jun 2020, 03:21 pm
Download App from Playstore: