ದೇವರ ವಿಳಾಸ...??!
ನನ್ನ ಅಮ್ಮನನ್ನು ಮನೆಗೆ
ಮರಳಿ ಕರೆತರಬೇಕಿದೆ..!
ಅವಳ ಇಂಪಿನ ಧ್ವನಿಯಲಿ
ಜೋಲಾಲಿ ಕೇಳಬೇಕಿದೆ..!
ದಿನವೂ ಕಂಬನಿಯನೇ
ಕಂಡಿರುವ ಈ ಕೆನ್ನೆಗೆ ಅವಳ
ಕೈಯೊಮ್ಮೆ ತಾಕಬೇಕಿದೆ..!
ಯಾರಾದರೂ ದಯವಿಟ್ಟು
ತಿಳಿಸಿಕೊಡಿ ಆ ದೇವರ ವಿಳಾಸ..!
ಇಂದೇ ಹೋರಡುವೆ ನಾನು
ಹುಡುಕಲು ಅವನ ನಿವಾಸ..!!
ನನ್ನ ಅಮ್ಮನನ್ನು ಮನೆಗೆ
ಮರಳಿ ಕರೆತರಬೇಕಿದೆ..!
ಅಮ್ಮ ನನ್ನನ್ನು ಮತ್ತೊಮ್ಮೆ
ಲಾಲಿಸುತಲಿ ಮುದ್ದಿಸಬೇಕಿದೆ..!
ಅಮ್ಮನ ಮಡಿಲಲಿ ನಾನು
ಮಗದೊಮ್ಮೆ ನಿದ್ರಿಸಬೇಕಿದೆ..!
ಅಮ್ಮ ಹೇಳಿಕೊಟ್ಟಿರುವ
ಆಕಾಶದಲ್ಲಿನ ನಕ್ಷತ್ರಗಳ
ರಂಗೋಲಿಯನು ನನ್ನಯ
ಕೈಯಿಂದ ಮತ್ತೆ ತಿದ್ದಬೇಕಿದೆ..!
ನನ್ನ ಅಮ್ಮನನ್ನು ಮನೆಗೆ
ಮರಳಿ ಕರೆತರಬೇಕಿದೆ..!
ಅವಳ ಸುಂದರ ಮೊಗದಲಿ
ತುಸು ನಗುವ ಕಾಣಬೇಕಿದೆ..!
ಎದೆಯಮೃತ ಉಣಿಸಿದವಳಿಗೆ
ನಾ ಕೈ ತುತ್ತು ತಿನಿಸಬೇಕಿದೆ..!
ನವಮಾಸ ಹೊತ್ತು ಹೆತ್ತವಳ
ಸೇವೆಯನು ನಾ ಮಾಡಬೇಕಿದೆ..!
ಅವಳ ಪವಿತ್ರ ಚರಣಕಮಲಗಳಲಿ
ಸ್ವರ್ಗವನು ನಾ ನೋಡಬೇಕಿದೆ.!
ಯಾರಾದರೂ ದಯವಿಟ್ಟು
ತಿಳಿಸಿಕೊಡಿ ಆ ದೇವರ ವಿಳಾಸ..!
ಇಂದೇ ಹೋರಡುವೆ ನಾನು
ಹುಡುಕಲು ಅವನ ನಿವಾಸ..!!
~ ಸಿದ್ದು ಗುಂಡ
- - ಸಿದ್ದು ಕನ್ನಡಿಗ
28 Jun 2020, 07:13 pm
Download App from Playstore: