ಅಪ್ಪ
ಅಪ್ಪಾ ಅಪ್ಪ ನನ್ನ ಪಡೆದಪ್ಪ
ನಿನ್ನವರ್ಣಿಸಲ್ಹೆಗೆ ಹಡೆದ ಪ್ಪ
ಜನುಮವ ನೀಡಿದೆ ಜಗದಪ್ಪ
ಜಗವನು ತೋರಿದೆ ನನ್ನಪ್ಪ. "ಪ"
ಬೆಂಕಿಯ ಉಗುಳುವ ಕುಲುಮೆಯಲ್ಲಿ
ಬತ್ತದ ಹೊಗೆಯ ಕುಡಿಯುತಲಿ
ಕಬ್ಬಿನ ಕರಗಿಸಿ ಹೊಡೆದಪ್ಪ ಅಪ್ಪ
ರೈತರ ಪಾಲಿಗೆ "ದೇವರು" ಆದೆಪ್ಪ. ಚ(೧)
ಬೇವಿನ ಮರದ ಬುಡದಲ್ಲಿ ಅಪ್ಪ
ಬಿರು ಬಿಸಿಲಿನ ರಣ- ರಣ ಬಿಸಿಲಿನಲ್ಲಿ
ರಂಟೆ- ಕುಂಟೆಯ ಕಾಯಕ ಮಾಡ್ಡಪ್ಪ
ಪಶು,ಪಕ್ಷಿಗೆ ಜೀವವು ಆದೆಪ್ಪಾ. (೨)
ಸಂಸಾರವ ನಡೆಸಲು ನೀನಪ್ಪ
ಮಹಾ ತೆರನು ಎಳೆದೆ ನನ್ನಪ್ಪ
ಹೊಟ್ಟೆಗೆ ಹಿಟ್ಟಿನ ಗಂಜಿಯ ಕುಡಿದು
ಹೆಂಡತಿ ಮಕ್ಕಳ ಸಲುಹಿದೆ ಪಡೆದಪ್ಪಾ. (೩)
ಗೌಡ,ಕುಲಕರ್ಣಿ,ಸಾಹೇಬ್ ರಂತಾ
ಪುಗಸೆಟ್ಟಿ ದುಡಿದೆ ಹಡೆದಪ್ಪ..!
ಸಾಲದ ಮೇಲೆ ಬಡ್ಡಿಯೂ ಬೆಳೆಯಲು
ಹೊಲ, ಮನೆ ಮಾರಿದೆ ಪಡೆದಪ್ಪ. (೪)
ಕುಲುಮೆಯ ಸೇರಿ ಕೌದಿಯ ಹೊದ್ದು
ಕೊನೆಯುಸಿರೆಳೆದೆ ನನ್ನಪ್ಪಾ, ಅಪ್ಪ
ಸುಖ ಸಂಸಾರದ ಸವಿಯನು ಸವಿಯದೆ
ದ್ರುವತಾರೆ ಆದೆ ನನ್ನ ಹಡೆದಪ್ಪ . (೫)
ಕಲ್ಮೇಶ ಬಡಿಗೇರ
9743539657
............ಬಾದಾಮಿ........
- Kalmesh Badiger
25 Jul 2020, 01:37 pm
Download App from Playstore: