ಮಿಲನ
ನಲ್ಲ ನಲ್ಲೆಯ ಮಿಲನ
ನಡು ರಾತ್ರಿಯಲಿ ಇತ್ತು
ಬೆಳದಿಂಗಳ ಕಾರ್ಮೋಡ
ಕವಿದು ಕಂಗೆಡಿಸಿತ್ತು.
ಏನಾದ್ರೂ ಸರಿಯೇ
ಎಂತಾದರು ಸರಿಯೇ
ಸರ್ಹೊತ್ತಿನ್ಯಾಗ್ ಸರ್ರಂತ
ಸೇರ್ಬೇಕಿತ್ತವಳು ಅವನಲ್ಲಿ.
ಮುಸುಕಾಕಿ ಸಾಗಿದರ
ಮೆತ್ತಂಗ ಆಡುವ ಜನರು
ಮತ್ತ ಹ್ಯಾಂಗ ಸುಮ್ಮನಿರತಾರ
ದುಡ್ಡಿರದ ಡಂಗುರ ಸಾರ್ತಾರ.
ಉಟ್ಟ ಸೀರೆಯ ಬಿಚ್ಚಿ
ಪಂಚೆ ತೊಟ್ಟಳು ಆಕೆ
ಸುತ್ತಿದಳು ತಲೆಗೊಂದು
ರೇಶಿಮೆಯ ರುಮಾಲು.
ಅಂತೂ ಸೇರಿದಳು ಅವಳು
ಅರಮನೆಯ ಸರದಾರನ
ನಗು ಮುಖದ ಚಲುವೆ
ಚಲುವಾಂಬ ಕುವರ ನನ್ನ.
ಹಾಲು ಹರಿಯುತ್ತಿತ್ತು
ಜೇನು ಸುರಿಯುತ್ತಿತ್ತು
ಬೆಳದಿಂಗಳ ಕಾರ್ಮೋಡ ಅದು
ಸರಿಯುತ್ತಿತ್ತು ಕರಗುತ್ತಿತ್ತು.
ಕೆನ್ನೆಗಳು ಕೆಂಪೇರಿತ್ತು
ತುಟಿಯು ರಂಗಾಗಿತ್ತು
ಕಣ್ಣ ಕಾಡಿಗೆ ಕರಗಿ ನೀರಾಗಿತ್ತು
ಸಣ್ಣ ಪಿಸು ಮಾತಿನ್ನು ನಡೆದೇ ಇತ್ತು.
ಕಲ್ಮೇಶ ಬಡಿಗೇರ
9743539657
........ಬಾದಾಮಿ......
- Kalmesh Badiger
27 Jul 2020, 07:30 pm
Download App from Playstore: