ಬರಿಯ ಹೆಣ್ಣಲ್ಲ ನಾನು..
ಬರಿಯ ಹೆಣ್ಣೆಂದು ಕರಿಯಬೇಡ ನನ್ನನು
ಶಕ್ತಿ ನಾನು ಧೈರ್ಯ ನಾನು ಉಸಿರು ನಾನು
ಜೀವನಾಡಿ ನಾನು.
ಆತ್ಮಸ್ಥೈರ್ಯವ ಕುಂದಿಸಬೇಡ
ಉಸಿರಲ್ಲಿ ಛಲದ ಅಗ್ನಿಯ ಆರಿಸಬೇಡ,
ಹೆಣ್ಣೆಂಬ ಕೀಳಿರಿಮೆ ತೊಟ್ಟ ಅಪ್ಪನ ಮನಸು ನೀನಾಗಬೇಡ, ಅಶಕ್ತಳೆಂಬ ಭಾವನೆಯೊತ್ತ
ಅಮ್ಮನ ಮೌನ ನೀನಾಗಬೇಡ.
ನಾನೇನು ಮಾಡಬಲ್ಲೆನೆಂಬುದು ಕೇಳದೆ
ಏನನ್ನೂ ಮಾಡಲಾರೆನೆಂಬ ಊಹೆಯೊತ್ತ
ಸಮಾಜದ ಜೊತೆಗೆ ನೀ ಸಾಗಬೇಡ,
ಕನ್ನೆಂಜಲು ಉಪ್ಪೆಂದು ಸಿಹಿ ನಗೆಯ
ಸವಿ ನೀ ಮರಿಯಬೇಡ.
ನೊಂದ ಮನವೊತ್ತು ನಾ ತಿರುಗಲಾರೆ
ನೋವ ಕಳೆದುಹಾಕು ದೇವರೇ ನಲಿವಿನ
ರಂಗವಳ್ಳಿಯಲ್ಲಿ ಬಣ್ಣ ನಾನಾಗಬೇಕಿದೆ,
ಜೀವ ಹರುಷ ನೋಡಬೇಕಿದೆ ಬದುಕು
ಹಸಿರಾಗಬೇಕಿದೆ ನಾನಿರುವ ಸ್ಥಳವು ನಿನ್ನ ಮನೆಯಾಗಬೇಕಿದೆ ಗರ್ಭ ಗುಡಿಯಾಗಬೇಕಿದೆ.
- ಚುಕ್ಕಿ
21 Aug 2020, 07:47 am
Download App from Playstore: