ಚಡ್ಡಿ ದೋಸ್ತ್
ಕರುಳು ಬಳ್ಳಿಯ ತೊಟ್ಟಿಲಲ್ಲಿ
ಹುಟ್ಟಿದೆವು ಅಣ್ಣ ತಂಗಿಯಾಗಿ
ಆಟವಾಡುತ್ತಾ ಬೆಳದೆವು
ತಾಯಿಯ ಮಡಿಲಲ್ಲಿ
ಚಡ್ಡಿ ದೋಸ್ತಿನಂತೆ
ಜಗಳವಾಡುತ್ತಿದ್ದೆವು ಶತ್ರುವಿನಂತೆ
ಒಂದಾಗುತ್ತಿದೆವು
ಬಾನಂಗಳದ ಹಕ್ಕಿಯಂತೆ
ಇಂದು ಬರಿದಾಗಿದೆ ಗೂಡು
ನಿನ್ನ ಪುಟ್ಟ ಗೆಜ್ಜೆಯ ಸದ್ದಿಲ್ಲದೆ
ಜಿನುಗುತ್ತಿದೆ ಕಣ್ಣೀರು
ಧುಮ್ಮಿಕ್ಕಿ ಹರಿಯುತ್ತಿದೆ
ಮನದ ನೋವು
ಬಾಲ್ಯದ ನೆನಪು ಕಂಡು
ಮರೆಯೋದುಂಟೆ
ಒಡಹುಟ್ಟಿದವಳನ್ನು
ನನ್ನ ಪುಟ್ಟ ತಂಗಿ
- ರಾಜು ಹಾಸನ
29 Aug 2020, 10:45 pm
Download App from Playstore: