ಕನ್ನಡ ಮಾತೆ

ಕನ್ನಡ ತಾಯಿಯ ಸೆರಗಿನ ನೆರಳಲಿ
ನಲಿಯುತ ತಾಯಿಗೆ ನಮಿಸೋಣ ll
ಪದಗಳ ಪದಕವ ತೊಡಿಸುತ ನಗಿಸುತ
ಕವನದ ಕುಸುಮವ ಮುಡಿಸೋಣ ll೧ll
ಚದುರಿದ ಉಡುಗೆಯ ನೆರಿಗೆಯ ಬಿಗಿದು
ಮಾತೆಯ ಮಾನವ ಕಾಯೋಣ ll
ಗುರುವರ ಬಲದಿ ಬರಹ ಸಿಂಧೂರವ
ಮಾತೆಯ ಚೆಲು ಹಣೆಗಿರಿಸೋಣ ll೧ll
ಕನ್ನಡ ತಾಯಿಯ ಹಿರಿಮೆಯ ಸಾರಿದ
ಹಿರಿಕವಿವರ್ಯರ ಸ್ಮರಿಸೋಣ ll
ಚತುರರು ನಾವು ತಾಯಿಯ ಕೀರ್ತಿಯ
ನಾಡಿನ ಎಲ್ಲೆಡೆ ಹರಡೋಣ ll೧ll
ಬೆವರಿನ ಪಸೆಯಲಿ ಅನ್ನವ ನೀಡುವ
ತ್ಯಾಗಿಯ ಕಾಯಕ ಅರಿಯೋಣ ll
ಉಸಿರನು ಕಾಯುವ ಯೋಧರ ಸಾಹಸ
ಪ್ರತಿ ಉಸಿರಲ್ಲೂ ಜಪಿಸೋಣ ll೧ll

- R.D

03 Sep 2020, 02:44 pm

---

Download App from Playstore: