ನನ್ನ ಬಸ್ಸು
ಅಮ್ಮಾ ಅಮ್ಮಾ ನೊಡಬಾರಮ್ಮ
ನಮ್ಮೂರಿಗೆ ಬಸ್ಸು ಬಂದೈತಮ್ಮ
ಗುಡಿಸಲ ಊರಿಗೆ ಡುರಕಿಯ
ಹೊಡೆಯುತ ಬಂದು ನಿಂತೈತಮ್ಮಾ //
ಕಾಕಿಯ ಅಂಗಿ ಕೈಯಲಿ ಟಿಕೆಟ್
ಹಿಡಿದು ಕೂಗುತ ಲಿಹನಮ್ಮಾ
ಚರ್ಮದ ಬ್ಯಾಗಲಿ ಚಿಲ್ಲರೆ ಹಾಕುವ
ಬಸ್ ಕಂಡಕ್ಟರ್ ಇವನಮ್ಮ //
ಚಕ್ರವು ಮುರಿದಿಹ ಅಜ್ಜನ
ಸೈಕಲ್ ನನಗೆ ಬೇಡವಮ್ಮ
ಶಾಲೆಗೆ ಹೋಗಲು ಬರಲು
ನನಗೆ ಈ ಬಸ್ಸೇ ಸಾಕಮ್ಮ //
ರಾಜ್ಯ ಸಾರಿಗೆ ಬಸ್ಸಂತಂದ್ರೆ
ನಮಗೆ ತುಂಬಾ ಇಷ್ಟವಮ್ಮ
ಗುಡಿಸಿಲಿನಲ್ಲಿ ಅರಳುವ
ಗುಲಾಬಿಗೆ ನೆರಳನಿಯುವುದಮ್ಮ //
ಕಲ್ಮೇಶ ಬಡಿಗೇರ
9743539657
.....ಬಾದಾಮಿ....
- Kalmesh Badiger
09 Sep 2020, 08:50 am
Download App from Playstore: