ಯಾರೇ ನೀ ಯಾರೇ
ನನ್ನ ಹೃದಯದ ಬಡಿತವ
ನನ್ನ ಮನದ ಓಟವ
ಮೊದಲ ಭೇಟಿಯ ನೋಟದಲಿ
ಸೆರೆಹಿಡಿದು ಹೊರಟವಳೆ
ಯಾರೆ ನೀ ಯಾರೆ
ದುಂಡು ಮೊಗದ
ಕಿರುಗಣ್ಣ ನೋಟದ
ಕೆಂದುಟಿಯ ಮಾಟದ
ಗುಳಿಗೆ ಚೆಲುವೆ
ಯಾರೇ ನೀ ಯಾರೇ
ಸುರಸುಂದರ ನಾಸಿಕವ
ಬಂಗಾರದರಳಲಿ ಸಿಂಗರಿಸಿ
ಕಾಮನಬಿಲ್ಲೋಂಬಣ್ಣವ ಅದರಕೆ ಲೇಪಿಸಿ
ತುಸು ಮುಗುಳ್ನಕ್ಕು
ಆನಂದದ ಮಂಪರಿನಲ್ಲಿ ತೇಲುತಾ ಕೋಲ್ಮಿಂಚಿನಂತೆ ಹೊಳೆಯುವ
ದಂತಗಳನ್ನು ಪ್ರದರ್ಶಿಸಿ
ನನ್ನ ಮನದಂಗಳಕೆ ಬೆಳಕನ್ನು ಚೆಲ್ಲುತ್ತಿರುವ ಆಶಾಕಿರಣವೇ
ಯಾರೆ ನೀ ಯಾರೆ
ತಂಗಾಳಿಯ ತನ್ಮಯತೆಯಲ್ಲಿ
ತನ್ನ ಕರ್ಣಾಲಂಕರಿತ ಆಭರಣಗಳ
ಝೇಂಕಾರವ ಕೇಳಿಸುತ್ತಾ
ಬಿರಿದ ಸುಮದ ಸುಗಂಧವ ಬೀರುತ
ತನ್ನೆಡೆಗೆ ನನ್ನ ಮನದ ಗಮನವ ಸೆಳೆಯುತ್ತಿಹ
ನಲ್ಮೆಯೇ
ಯಾರೆ ನೀ ಯಾರೆ
ನನ್ನ ಮನದ ನಿಶಬ್ದ
ಭಾವಗಳ ಕರ್ಣಾತರಂಗಕ್ಕೆ ತನ್ನ ಮನದೊಳಗಿವಿಯನ್ನೋತ್ತಿ
ಏಕಾಗ್ರತೆಯಿಂದ ಆಲಿಸಿ ಅರಿತು
ಎನ್ನೆಡೆಗೆ ಒಮ್ಮೆಲೆ ತಿರುಗಿ ನೋಡಿ ಮುಗುಳ್ನಕ್ಕು ತನ್ನ ಮುಂಗುರುಳ ತುಂಟಾಟವ ಆನಂದಿಸುತ್ತಾ ಹೋರಟ
ಪ್ರೀತಿ ಅಂಕುರವೆ
ಯಾರೆ ನೀ ಯಾರೆ
ನನ್ನಲ್ಲಿ ನನ್ನತನವನ್ನೇ
ಸೂರೆಗೊಂಡವಳೆ
ನನ್ನಲ್ಲಿ ನನ್ನ ಮನಕೆ
ನನ್ನನ್ನೇ ಮರೆಸಿ
ಮೆರೆಯುತ್ತಿರುವ ವಳೆ
ಯಾರೇ ನೀ ಯಾರೇ
ನನ್ನ ಹೃದಯದ ಬಡಿತ
ಮಿಡಿತ ತುಡಿತ ಕೆ
ನಿನ್ನ ಪ್ರೀತಿಯ ಅಮಲ್ಲನ್ನೇರಿಸಿ
ನಿನ್ನೆಸರ ನನ್ನುಸಿರಾಗಿಸಿ
ನಗುತ್ತಿರುವ ವಳೆ
ಯಾರೆ ನೀ ಯಾರೆ
- HarishKumarm
16 Sep 2020, 05:33 pm
Download App from Playstore: