ವಿಪರ್ಯಾಸ
ಹಾದಿ ಬೀದಿಯಲ್ಲಿ ಬಿಸಾಡಿದ ಕಲ್ಲು
ಊರ ಮುಂದಿನ ಬೆಟ್ಟದ ಕಲ್ಲು
ಜೀವವಿಲ್ಲದ ನೀರೊಳಗಿನ
ಬಂಡೆಯ ಕಲ್ಲು ದೇವರದಾರೆ
ಮನೆಯೊಳಗಿನ ಖಾರ ಆಡಿಸುವ ಕಲ್ಲು
ಬರಿ ಒಳಕಲ್ಲಾಗುವುದಯ್ಯ
ಜೀವವಿಲ್ಲದ ಕಲ್ಲಿಗೆ
ದೇವರೆಂದು ಹೊಗಳುವ ಜನ
ಜೀವವಿರುವ ಮನುಷ್ಯಗೆ
ದೆವ್ವವೆಂದು ತೆಗಳುವರಯ್ಯ
ಜೀವವಿಲ್ಲದ ಕಿತ್ತೋದ ಧರ
ಕಟ್ಟಿಕೊಂಡು ಶ್ರೇಷ್ಠನಾಗುವ
ಮನುಷ್ಯಗೆ ಫಲಿಸುವುದು
ಮುಕ್ತಿ ಮೋಕ್ಷ ಸ್ವರ್ಗ ನರಕ
ಹುಟ್ಟಿನಿಂದ ಸಾಯುವ ತನಕ
ದೊಡ್ಡ ದೊಡ್ಡ ಹಗ್ಗವ ಕುತ್ತಿಗೆಗೆ
ಸುತ್ತಿಕೊಂಡು ಸಾಯುವ
ಮೂಕ ಪ್ರಾಣಿಗಳಿಗೆ ಇಲ್ಲವೇ
ಮುಕ್ತಿ ಮೋಕ್ಷ ಸ್ವರ್ಗ ನರಕ
- ರಾಜು ಹಾಸನ
02 Oct 2020, 10:25 am
Download App from Playstore: