ಒಂಟೆ
ಒಂಟೆ ಬಂದೈತಣ್ಣ ಊರಲ್ಲಿ
ಡುರುಕಿಯ ಹೊಡೆಯುತ್ತಾ
ದುಬ್ಬದ ಮೇಲೆ ಗುಬ್ಬಿಯ
ಗೂಡನು ಹೊತ್ತು ಬಂದೈತಣ್ಣ //
ಉದ್ದನೆ ಕಾಲು ಗಿಡ್ಡನೆ ಬಾಲ
ಎಷ್ಟುದ್ದ ಇರುವುದು ನೋಡಣ್ಣ
ಕತ್ತನು ಎತ್ತಿ ಹಾವಿನ ಹಾಗೆ
ಅತ್ತಿತ್ತ ನೋಡುತಲಿಹುದು ಬಾ ಅಣ್ಣ //
ಒಂಟೆಯ ನೋಡಲು ಊರಿನ
ಭಂಟರ ದಂಡೆ ಸೇರಿತು ನೋಡಣ್ಣ
ಕೊರಳಿನ ಗಂಟೆಯ ಸದ್ದಿಗೆ ಚಿಣ್ಣರು
ಕುಣಿಯುತ ಬಂದರು ಬಾ ಅಣ್ಣ //
ಹೆಜ್ಜೆಯ ಎಣಿಸಲು ಹುಚ್ಚೆದ್ದು ಹೋಗಿ
ಪೆಚ್ಚು ಮೊಗದಲಿ ಮರಳಿದರು ನೋಡಣ್ಣ
ಮಕ್ಕಳ ಮುಂದೆ ಗಂಟೆ ಗಟ್ಟಲೆ ಕೂತು
ಒಂಟೆಯ ಮಾತು ಕಟೆದರು ಕೇಳಣ್ಣ //
ಕಲ್ಮೇಶ ಬಡಿಗೇರ
9743539657
. ........ಬಾದಾಮಿ....
- Kalmesh Badiger
04 Oct 2020, 01:54 pm
Download App from Playstore: