ನಂಬಿಕೆ ಇಲ್ಲದ ಮೇಲೆ
ನಂಬಿಕೆ ಇಲ್ಲದ ಮೇಲೆ
ಹೂವು ಹಾವಾದಂತೆ
ಅಮೃತವು ವಿಷವಾದಂತೆ
ಬದುಕಿದ್ದು ಸತ್ತಂತೆ
ಜೀವಕ್ಕೆ ಜೀವ ಎಂದು
ನಂಬಿಬಂದೆ ನಾನಂದು
ಅಗ್ನಿಸಾಕ್ಷಿಯಾಗಿ ನುಡಿದೆ ನೀ
ನಂಬಿಕೆಗೆ ನಾನೆ ನೆಂಟನೆಂದು
ಉಸಿರು ನಿಲ್ಲುವ ಮುನ್ನ
ಹೆಸರುಳಿಸುವ ಬಯಕೆ ನನ್ನದು
ಹೆಸರಳಿಸಿ ಉಸಿರಾಡುವ
ಹಾದಿಯಲ್ಲಿ ಸಾಗಿಹೆ ನೀನಿಂದು
ಅಂತರಂಗದ ಅರಿವಿಲ್ಲದೆ
ಅಂಧಕಾರದ ದಾರಿಯಲ್ಲಿ
ನಂಬಿದವರ ಮಣ್ಣಾಗಿಸಿ
ಮಸಣದಲ್ಲಿ ಮಲಗಿಹೆ ಇಂದು
ಶಾರದ
- ಶಕುಂತಲಾ
10 Oct 2020, 06:40 am
Download App from Playstore: