@ಮೌನವೇ ಲೇಸು@
ಮಾತು ಮಾತುಗಳನ್ನಾಡಿ
ಜನರ ಬಾಯ್ ಸೋತಿವೆ
ಮಾತುಗಳಿಗೆ ಇಲ್ಲವಾಗಿದೆ
ಮತ ಮೌಲ್ಯದ ತೂಕ.
ಎತ್ತನೋಡಿದರತ್ತ
ಮಾತನಾಡುವವರೇ,
ಎಲ್ಲರ ಮಾತಿನಲ್ಲಿ
ನಾನೆಂಬ ಅಹಂಭಾವ,
ಯಾರು ಯಾರದು
ಮಾತು ಕೇಳುವವರಿಲ್ಲ.
ಮಾತು ಕೇಳಿ ಅರಗಿಸಿಕೊಳ್ಳುವವರಿಲ್ಲ
ಮಾತುಗಳನ್ನೇ ಆದರ್ಶವಾಗಿಸಿ ಕೊಳ್ಳುವವರಿಲ್ಲ,
ಮಾತುಗಳನ್ನು ಅನುಷ್ಠಾನ ಮಾಡುವವರಿಲ್ಲ,
ಮಾತು ಮೋಡಗಳಂತೆ ಚದುರುತಿಹುದು
ಗುಡುಗು-ಸಿಡಿಲುಗಳಂತೆ ಕರ್ಕಶವೆನಿಸುತಿಹವು,
ಮಾತುಗಳ ಮಾರ್ದನಿಯಲ್ಲಿ
ಮಾತುಗಳಿಗಿಂತ ಮೌನವೇ ಲೇಸೆನಿಸುತ್ತದೆ.
✍️ ಮಹೇಶ -ಶಿಕ್ಷಕರು
- MAHESH.हिन्दीशिक्षक
13 Oct 2020, 10:51 pm
Download App from Playstore: